Slíðruðu sverðin á árs­há­tíð borgar­stjórnar

Borgarfulltrúar og makar þeirra mættu í sínu fínasta pússi og skáluðu fyrir liðnu ári sem var vægast sagt viðburðaríkt. Tónlistarmennirnir Ragnhildur Gísladóttir og Daníel Ágúst skemmtu liðinu sem virðist miðað við myndir hafa skemmt sér konunglega.

Ýmsir borgarfulltrúar hafa birt skemmtilegar myndir frá kvöldinu. Samheldinn borgarstjórnarflokkur Samfylkingarinnar tók mynd af sér saman í stiganum í Höfða.

Sósíalistinn Sanna Magdalena, sem ætlar fram undir nafninu Vor til vinstri í næstu borgarstjórnarkosningum, birti flotta speglasjálfu af sér. 

Hildur Björnsdóttir, oddviti Sjálfstæðisflokksins, stillti sér upp með eiginmanni sínum, Jóni Skaftasyni og Líf Magneudóttir birti líka mynd af sér með eiginmanni sínum, Snorra Stefánssyni lögmanni.

„Mynd gærdagsins er af okkur hjónaleysunum á árshátíð borgarstjórnar. Mjög hátíðleg veisla í janúarbyrjun sem er oftast haldin í Höfða. Þar komum við öll saman, pólitíkusar og hinn svokallaði E-listi (embættismenn) og skiljum allan ágreining eftir. Ragga Gísla og Daníel Ágúst sungu falleg og hressandi lög og við vorum öll glöð. Það verður líka að vera gaman,“ skrifaði Líf við myndina.