Sagt upp eftir 26 ár á Morgun­blaðinu

Víðir upplýsir um starfslok sín í tölvupósti til samstarfsmanna nú í hádeginu.

„Mér var sagt upp störfum hjá Árvakri núna fyrir hádegið og hef yfirgefið Hádegismóana fyrir fullt og allt eftir 26 ár hjá fyrirtækinu,“ segir Víðir í pósti sínum.

„Takk fyrir frábært samstarf, sum ykkar í öll 26 árin. Þetta hefur verið góður tími, enda ríflega hálf starfsævin, en nú tekur eitthvað annað skemmtilegt við,“ segir Víðir.

Samhliða störfum sínum hjá Árvakri hefur Víðir gefið út bækurnar Íslensk knattspyrna síðan á níunda áratug síðustu aldar.