Tekur við þjálfun kokka­lands­liðsins

Í tilkynningu á vef Klúbbs matreiðslumeistara segir að Georg Arnar stýri nú undirbúningi liðsins og muni leiða það til keppni á Heimsmeistaramótinu í matreiðslu í Lúxemborg árið 2026, þar sem Ísland stefni markvisst á verðlaunapall. 

„Georg Arnar er reynslumikill matreiðslumaður með sterkan feril bæði hér heima og erlendis. Hann var meðlimur íslenska kokkalandsliðsins árið 2016 og þekkir því vel til þeirra krafna sem gerðar eru til liðs sem keppir á hæsta alþjóðlega stigi. Með breiðri fagþekkingu og skýru leiðtogahlutverki er hann talinn lykilmaður í áframhaldandi uppbyggingu liðsins. 

„Það er heiður að fá tækifæri til að leiða íslenska kokkalandsliðið,“ er haft eftir Georgi Arnari. „Við erum með hæfileikaríka kokka og glöggan metnað til að gera enn betur. Undirbúningurinn fyrir heimsmeistaramótið 2026 er á fullu, og við stefnum ákveðið á að koma Íslandi á verðlaunapall.“

Þá er haft eftir Þórii Erlingssyni, forseta Klúbbs matreiðslumeistara, að ráðningin marki mikilvægt skref. „Georg býr yfir áralangri reynslu, frábærri fagmennsku og djúpri þekkingu á starfi landsliðsins. Hann hefur sýnt að hann getur hvatt og leitt fólk áfram, og við erum sannfærð um að liðið verði í mjög traustum höndum. Markmiðið er skýrt – Ísland á að vera meðal þeirra allra bestu í Lúxemborg 2026.“