Fékk Lauf­eyju í af­mælið: „Maggi bróðir hefur alltaf verið betri en aðrir að gefa gjafir“

Áslaug Arna, sem hefur verið í leyfi frá þingmennsku síðan í maí vegna námsins, er með hópspjall (e. community chat) á Instagram þar sem hún deilir með fylgjendum sínum fréttum af náminu þar ytra.

Í færslu á Instagram rifjar hún upp hvernig Magnús kom henni á óvart í þrítugsafmæli hennar árið 2020:

„Laufey söng á þrítugsafmælinu mínu, áður en flestir þekktu hana. Þetta var árið 2020 í miðju heimsfaraldri og plön mín um stóra afmælisveislu fóru út um þúfur. Níu vinir komu heim til mín og hundrað manns fylgdust með á netinu þegar bróðir minn kom mér á óvart með því að fá Laufey til að hringja í mig og syngja.“

„Fimm árum síðar selur hún upp Madison Square Garden tvisvar. Ég bý nú í New York, og bróðir minn flaug hingað svo við gætum séð íslensku stjörnuna á stóra sviðinu í kvöld, nokkrum vikum fyrir 35 ára afmælið mitt.“