Viðskipti innlent

Seldu sam­heita­lyf við hvít­blæði og HIV fyrir hundruð milljóna

Lovísa Arnardóttir skrifar
Alls starfa um 220 hjá fyrirtækinu.
Alls starfa um 220 hjá fyrirtækinu. Aðsend

Lyfjafyrirtækið Coripharma seldi í júlímánuði lyf sem þau þróuðu sjálf, og aðrar vörur, fyrir tæpan hálfan milljarð. Tvö lyf sem voru þróuð af Coripharma og fóru á markað á síðasta ári, reyndust langstærst samkvæmt tilkynningu frá fyrirtækinu. Annars vegar Bosutinib, sem er lyf við hvítblæði, og hins vegar Raltegravir, sem er lyf við HIV veirunni.

Samtals voru þessi tvö lyf með sölu yfir tvær milljónir evra sem samsvarar um 288 milljónum íslenskra króna.

Í tilkynningu kemur fram að Coripharma hafi verið fyrsta samheitalyfjafyrirtækið til að setja Bosutinib á markað og sé enn eini framleiðandinn að því samheitalyfi í Evrópu. Lyfið er nú selt á 16 mörkuðum í öllum helstu löndum Evrópu og samkvæmt tilkynningu er eftirspurn margfalt yfir væntingar. Fyrirtækið hefur á þessu móttekið pantanir fyrir sjö milljónir evra á þessu ári, eða einn milljarð íslenskra króna, og er lyfið því söluhæsta lyf Coripharma.

Þá segir að Coripharma sé eitt af tveimur félögum sem vitað er til að hafi náð að þróa Raltegravir fyrir Evrópumarkað, en fjöldi samheitalyfjafyrirtækja gerði tilraunir til þess, án árangurs, enda lyfið talið sérlega erfitt í þróun

Lyfið fór á markað í Bretlandi, Spáni og Ítalíu á síðasta ári og bættist Þýskalandsmarkaður við á öðrum ársfjórðungi 2025. Reiknað er með að lyfið fari á átta nýja markaði í Evrópu fyrir árslok. Pantanir vegna Raltegravir eru að sama skapi vel yfir væntingum, en búið er að móttaka pantanir fyrir ríflega fimm milljónir evra á árinu eða 720 milljónir íslenskra króna.

Í tilkynningu segir að Coripharma muni á seinni hluta þessa árs setja þrjú nýlega þróuð lyf á markað í gegnum viðskiptavini sína. Um 220 manns starfa hjá Coripharma, sem er íslenskt nýsköpunarfyrirtæki í örum vexti og sérhæfir sig í þróun, framleiðslu og útflutningi samheitalyfja.

Bjarni Þorvarðarson er formaður stjórnar Coripharma og Jónína Guðmundsdóttir forstjóri fyrirtækisins.

Lyf Heilbrigðismál

Tengdar fréttir

„Ég per­sónu­lega fílaði þetta ekkert í botn“

„Ég persónulega fílaði þetta ekkert í botn, ég var aldrei fyrir þessa prinsessuleiki. Að vera með krullað hár, naglalakk og í háum hælum var ekkert fyrir mig. Þetta er ekki ég í eðli mínu. Ég var bara að moka skít í hestunum, þar leið mér best,“ segir Unnur Birna Vilhjálmsdóttir, lögfræðingur hjá Coripharma og Ungfrú heimur 2005.

Einn stærsti hlut­hafinn losaði um hlut sinn í Corip­harma

Framtakssjóðurinn TFII, meðal annars einn stærsti fjárfestirinn í Coripharma um árabil, seldi nánast allan eignarhlut sinn í samheitalyfjafyrirtækinu til eigin hluthafa, einkum lífeyrissjóða. Sjóðurinn, sem hafði glímt við rekstrarerfiðleika um nokkurt skeið og sleit samstarfi sínu við Íslensk verðbréf snemma árs í fyrra, tapaði meira en 900 milljónum á árinu 2023 og náði samkomulagi við hluthafa um að leggja honum til aukið fjármagn.

Stjórn Coripharma setti skráningaráform á ís

Íslenska samheitalyfjafyrirtækið Coripharma, sem hóf sölu á sínu fyrsta lyfi í Evrópu sumarið 2021, er ekki í virkum undirbúningi fyrir skráningu á hlutabréfamarkað eins og staðan er í dag, að því er kemur fram í svari fyrirtækisins við fyrirspurn Innherja. 

Tekjur Coripharma jukust um rúm 60 prósent milli ára

Íslenska lyfjafyrirtækið Coripharma tapaði 12,5 milljónum evra, jafnvirði 1.700 milljóna króna, á síðasta ári samanborið við 11 milljóna evra tap á árinu 2020. Rekstrartekjur, samkvæmt nýbirtum ársreikningi félagsins, námu 9 milljónum evra, eða um 1.250 milljónum króna, og jukust um ríflega 60 prósent milli ára.



Mest lesið


Fleiri fréttir

Sjá meira


×

Mest lesið