Mega gera ráð fyrir heita­vatns­leysi fram á kvöld

Frá þessu segir á vef Veitna. Þar kemur fram að lekinn sé á erfiðum stað í kerfinu og að töluverðan tíma muni taka að lagfæra hann. „Áætlað er að heitavatnsleysi vari fram á kvöld. Starfsfólk Veitna vinnur nú af fullum krafti að tryggja öllum heitt vatn sem fyrst,“ segir í tilkynningunni. 

Lögnin bilaði í nótt sem varð til þess að heitavatnslaust varð í öllum Grafarvogi.

„Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst á að nýju. Húseigendum er bent á að huga að innanhússkerfum.

Við biðjumst velvirðingar á þeim óþægindum sem þetta kann að valda.

Við munum uppfæra á hér hvernig gengur. Ekki er hægt að segja hversu lengi lokunin varir,“ segir í tilkynningunni.

Fréttin var síðast uppfærð kl 12:20.