Segist viss um að Isak fari ekki fet

Framtíð framherjans hefur verið í óvissu í sumar, en mörg stórlið hafa áhuga á því að fá hann í sínar raðir.

Isak var ekki í leikmannahópi Newcastle er liðið mátti þola 4-0 tap gegn Celtic í æfingaleik í dag, en þrátt fyrir það segist Howe vera viss um að hann verði áfram í herbúðum liðsins á næsta tímabili.

„Ég held að það sé erfitt fyrir mig að vera með þessa hluti alveg hundrað prósent á hreinu, en Alex er ánægður hjá Newcastle,“ sagði Howe í viðtali eftir tapið í dag.

„Hann elskar leikmennina sem hann spilar með, starfsfólkið og liðið og ég hef aldrei lent í neinum vandræðum með hann. Ég er viss um að hann verði hérna þegar næsta tímabil byrjar.“