Sögu­frægur gítar Stones fannst hálfri öld eftir að honum var stolið

Breska tónlistarblaðið NME greinir frá fundinum.

Árið 1972, þegar Rolling Stones voru að taka upp plötuna Exile On Main St. í glæsivillu við frönsku ríveruna, var rafmagnsgítarnum stolið. Talið er að fíkniefnasalar, sem Richards skuldaði pening, hafi verið að verki. Fleiri munir voru numdir á brott, alls níu gítarar, bassi Bills Wyman og saxafónn í eigu Bobby Keys.

Umræddur gítar þótti þó sérstaklega sögufrægur. Taylor keypti hann af Richards árið 1967. Richards spilaði á hann þegar Stones komu fram í bandaríska sjónvarpsþættinum The Ed Sullivan Show árið 1964. 

Taylor spilaði síðan á gítarinn á tónlistarhátíðinni í Altamont árið 1969, en þar munu einir frægustu tónleikar sveitarinnar hafa farið fram. Frægð tónleikanna kom til vegna hræðilegra atburða, meðal annars vegna þess að tónleikagestur var drepinn af meðlimi mótorhjólagengisins Hells Angels, sem sáu um öryggisgæslu á viðburðinum.

Jafnframt eru Jimmy Page og Eric Clapton hafa sagðir fengið gítarinn að láni.

Rafmagnsgítarinn fannst á dögunum í safni fimm hundruð gítarar sem voru gefnir Metropolitan-safninu í New York.

Page Six hefur eftir heimildarmanni sínum að fundurinn hafi komið Taylor í opna skjöldu, en hann fékk aldrei neinar bætur fyrir stuldinn.