Kynna nýtt kerfi gegn „gervi­greindarsópum“

Höfundarrétthafar beggja vegna Atlantshafsins, til að mynda listamenn og fjölmiðlar, hafa höfðað mál gegn tæknifyrirtækjum, sem hafa notað höfundarréttarvarið efni til að þjálfa gervigreindir í þróun.

Þetta hafa tæknifyrirtækin gert án þess að fá leyfi né greiða fyrir.

Nýtt kerfi Cloudflare mun stöðva þessa uppsópun efnis af vefsíðum og síðar meir gera höfundarrétthöfum kleyft að innheimta gjald í hvers sinn sem umræddir „gervigreindarsópar“, svokallaðir „AI bots“ eða „crawlers“, reyna við síðuna.

Roger Lynch, framkvæmdastjóri Condé Nast, sem gefur meðal annars út Vogue, The New Yorker og GQ, segir um að ræða tímamót fyrir útgefendur. Aðrir segja nýja kerfið hins vegar aðeins plástur á sárið og segja að höfundarrétturinn verði ekki varinn fyrir gervigreindinni nema með lagasetningu.

Hér má finna umfjöllun BBC um málið.