Sjáðu þegar Tyrese Haliburton virðist slíta hásin í oddaleiknum

OKC varð í nótt NBA meistari eftir sigur á Indiana Pacers 103-91 í leik sjö í úrslitaeinvíginu. Bæði lið höfðu unnið þrjá leiki fyrir leikinn í nótt.

Þetta er í fyrsta sinn sem OKC verður NBA-meistari. Haliburton er stjarna Pacers en í stöðunni 16-16 í leiknum meiddist hann alvarlega. Hann hafði farið einstaklega vel af stað í leiknum og setti niður þrjár þriggja stig körfur á upphafsmínútunum.

Það má greinilega sjá að Haliburton meiðist alvarlega á hásin í myndbrotinu hér að neðan og að öllum líkindum slitnaði hún.