Innlent

Harður á­rekstur þegar bíl var ekið í hlið á strætis­vagni

Rafn Ágúst Ragnarsson skrifar
Slysið varð á horni Hverfisgötu og Klapparstígs.
Slysið varð á horni Hverfisgötu og Klapparstígs. Aðsend

Harður árekstur varð á horni Hverfisgötu og Klapparstígs þar sem bíll keyrði í hliðina á strætisvagni. Slökkviliðið er á vettvangi ásamt lögreglu og sjúkraflutningamönnum og segir um minniháttar meiðsli að ræða. Einn hefur verið fluttur á bráðamóttöku.

Lítið liggur fyrir að svo stöddu en áreksturinn varð á níunda tímanum í kvöld. Vakthafandi hjá slökkviliðinu á höfuðborgarsvæðinu segir einn hafa verið fluttan á bráðamóttökuna en að viðkomandi sé ekki illa slasaður. Ástand hans sé til skoðunar.

Hverfisgötu hefur verið lokað og talsvert viðbragð er á svæðinu. Strætisvagninn sem ekið var á var á leið númer tvö og ók vestur eftir Hverfisgötu.

Áttu mynd af vettvangi? Veistu meira? Sendu okkur línu á ritstjorn@visir.is.

Umferðaröryggi Lögreglumál Reykjavík Strætó Samgönguslys

Mest lesið


Fleiri fréttir

Sjá meira


×

Mest lesið