Semja við ís­lenska kjarnann í liði Ís­lands­meistaranna

Samningar þeirra alla ná yfir næstu tvö tímabil eða út 2026-27 tímabilið. Þóra Kristín var valin besti leikmaður deildarinnar, Tinna Guðrún var í úrvalsliði ársins og Rósa Björk var frábær í úrslitakeppninni.

Tinna var með 18,1 stig og 3,2 þrista eða meðaltali í deildinni, Þóra var með 10,5 stig og 7,3 stoðsendingar í leik í deildinni og Rósa hækkaði stig úr 4,6 stigum og 3,5 fráköstum í leik í deildinni upp í 10,6 stig og 5,1 frákast í leik í úrslitakeppninni.

Haukar urðu Íslandsmeistarar og deildarmeistarar. Þetta var fyrsti Íslandsmeistaratitill Hauka frá árinu 2018.

„Það er mjög mikilvægt að halda þessum leikmönnum hjá okkur sem allar léku risastórt hlutverk í vetur og stigu upp þegar á reyndi til að vinna Íslandsmeistaratitilinn. Þessi íslenski kjarni í liðinu er ótrúlega öflugur og það verður gaman að vinna með þeim áfram og keppa um alla titla sem eru í boði,“ sagði Emil Barja, þjálfari Haukaliðsins, í viðtali á miðlum félagsins.

„Þetta er mikil gleðistund fyrir okkur í körfunni í Haukum að geta tryggt þessa leikmenn áfram og er lykilatriði til að geta haldið áfram þeirri vegferð sem Emil er á með liðið. Við í stjórn Hauka erum full tilhlökkunar, vitum að stelpurnar eru allar mjög spenntar líka fyrir komandi tímabili og hlakka til að takast á við nýjar áskoranir,“ sagði Brynjar Þór Þorsteinsson formaður Körfuknattleiksdeildar Hauka.