Viðskipti innlent

Þor­gerður skipuð for­stjóri ÁTVR

Sólrún Dögg Jósefsdóttir skrifar
Þorgerður Kristín Þráinsdóttir tekur við af Ívari Jónssyni Arndal. 
Þorgerður Kristín Þráinsdóttir tekur við af Ívari Jónssyni Arndal.  Arnór Trausti

Þorgerður Kristín Þráinsdóttir hefur verið skipuð forstjóri ÁTVR. Þorgerður var valin úr hópi nítján umsækjenda. 

Frá skipuninni er greint í tilkynningu á vef fjármála- og efnahagsráðuneytisins

Staðan var auglýst í apríl, en Ívar Jónsson Arndal fráfarandi forstjóri ÁTVR sóttist ekki eftir endurráðningu í febrúar síðastliðnum. Hann hefur starfað hjá stofnuninni frá árinu 1990 og varð 67 ára í maí. 

Í tilkynningunni segir að Þorgerður búi yfir víðtækri reynslu af stjórnunarstörfum á smásölumarkaði og hafi frá árinu 2014 gegnt starfi framkvæmdastjóra Fríhafnarinnar. Áður hafi hún starfað í yfir áratug hjá Lyfju hf., sem forstöðumaður verslana- og markaðssviðs og mannauðsstjóri.

Þorgerður er með B.A. og Cand.Psych. gráðu í sálfræði, með áherslu á vinnu- og skipulagssálfræði. Þá hefur hún einnig lokið PMD stjórnendanámi auk fjölmargra námskeiða tengdum stjórnun og stefnumótun.


Tengdar fréttir

Forstjóri ÁTVR lætur af störfum

Ívar Jónsson Arndal forstjóri ÁTVR sækist ekki eftir endurráðningu og lætur af störfum þann 1. september. Hann hefur verið forstjóri í tuttugu ár og starfað hjá stofnuninni frá 1990. Ívar verður 67 ára í maí.






Fleiri fréttir

Sjá meira


×