Saka sjúkra­þjálfarann um kyn­ferðis­lega á­reitni

Þeir segja að starfsfólk körfuboltaliðsins hafi vitað af þessari hegðun sjúkraþjálfarans og þar á meðal sé hinn goðsagnakenndi þjálfari liðsins á þessum árum, Bobby Knight.

Málið byrjaði síðasta haust er tveir leikmenn stigu upprunalega fram og kærðu skólann. Síðan þá hefur fjölgað hratt í hópnum sem segist hafa lent í vafasamri hegðun sjúkraþjálfarans.

Sjúkraþjálfarinn féll frá í síðasta mánuði en mennirnir ætla samt ekki að gefa málið eftir. Þeir vilja deila sínum sögum til þess að koma í veg fyrir að slíkt gerist ekki aftur.

„Ég á tvo syni á sama aldri og ég var er þetta gekk á. Ég leit á sjálfan mig sem fullorðinn einstakling þá en sé núna hversu varnarlaus ég og félagar mínir voru,“ segir Haris Mujezinovic, fyrrum leikmaður Indiana og annar þeirra sem stigu upprunalega fram.

„Fullorðna fólkið í kringum liðið vissi nákvæmlega hvað átti sér stað. Í stað þess að vernda okkur gerðu þeir grín að þessu og leyfðu áreitinu og misnotkuninni að halda áfram.“