Joe Biden með krabba­mein

Talsmaður forsetans fyrrverandi greindi frá fréttunum í tilkynningu fyrr í kvöld. Þar kom fram að Biden hefði verið greindur með krabbameinið eftir að læknar fundu „smávægilegan hnúð“ á blöðruhálskirtli Biden sem krafðist „frekari skoðunar“.

Þá sagði í tilkynningunni að Gleason-stig krabbameinsins væri 9 og það væri búið að dreifa sér í bein Biden. Stig 9 á Gleason-kvarðanum er heldur hátt og þýðir að krabbameinið er líklegt til að dreifa hratt úr sér. 

„Þó þetta sé ágengari tegund sjúkdómsins, virðist krabbameinið vera hormóna-næmt sem gerir að verkum að auðveldara verður að meðhöndla það,“ sagði talsmaður Biden. 

Þá segir í tilkynningunni að hinn 82 ára Biden og fjölskylda hans séu nú að skoða mögulegar meðferðir með læknum.

Fréttin hefur verið uppfærð.