Íslenski boltinn

Leik KR og ÍBV seinkað vegna færðar

Valur Páll Eiríksson skrifar
KR-ingar fá Eyjamenn í heimsókn á morgun, eilítið seinna en til stóð.
KR-ingar fá Eyjamenn í heimsókn á morgun, eilítið seinna en til stóð. Vísir/Diego

Leik KR og ÍBV í Bestu deild karla í fótbolta hefur verið seinkað um tvo tíma. Leikurinn átti að fara fram klukkan 17:00 en verður á dagskrá klukkan 19:00 á Avis-vellinum í Laugardal.

Leiknum er seinkað vegna slæmra veðuraðstæðna á morgun sem valda mikilli ölduhæð og röskun á Herjólfsferðum til og frá Vestmannaeyjum. Leikmenn ÍBV ferðast í leikinn með Herjólfi.

Ölduspáin er betri þegar líður á morgundaginn og í ljósi þess er leiknum seinkað um tvær klukkustundir.

Hann hefst því klukkan 19:00 á Avis-vellinum í Laugardal. Leikurinn verður sýndur beint á Stöð 2 Besta deildin 2.

Leikur KR og ÍBV er einn fjögurra sem fram fer í deildinni á morgun og munu nú þrír fara fram samtímis um kvöldið.

Leikirnir í sjöttu umferð Bestu deildar karla eru eftirfarandi:

Laugardagur 10. maí

  • 14:00 Vestri - Afturelding (Stöð 2 Besta deildin)
  • 19:00 KR - ÍBV (Stöð 2 Besta deildin 2)
  • 19:15 Stjarnan - Fram (Stöð 2 Besta deildin)
  • 19:15 Valur - ÍA (Stöð 2 Sport 5)

Sunnudagur 11. maí

  • 17:30 KA - Breiðablik (Stöð 2 Besta deildin)
  • 19:15 Víkingur R. - FH (Stöð 2 Sport)
Besta deild karla Íslenski boltinn ÍBV KR

Mest lesið


Fleiri fréttir

Sjá meira


×

Mest lesið