Körfubolti

Stólarnir afar öflugir þegar glittir í loka­úr­slitin

Óskar Ófeigur Jónsson skrifar
Pétri Rúnari Birgissyni og félögum í Tindastólsliðinu líður vel í undanúrslitum úrslitakeppninnar.
Pétri Rúnari Birgissyni og félögum í Tindastólsliðinu líður vel í undanúrslitum úrslitakeppninnar. Vísir/Jón Gautur

Tindastóll byrjaði undanúrslitaeinvígi sitt á móti Álftanesi með 22 stiga stórsigri í Síkinu í gær en það er ekkert nýtt að Stólarnir fari á kostum í undanúrslitum úrslitakeppninnar.

Ekkert félag er með betra sigurhlutfall í undanúrslitum enda hafa Tindastólsmenn unnið níu af síðustu ellefu leikjum sínum á þessu stigi úrslitakeppninnar.

Stólarnir komust þannig í 2-0 á móti Njarðvík 2023, í 2-0 á móti Njarðvík 2022 og unnu tvo síðustu leiki sína í 3-1 sigri á ÍR í undanúrslitaeinvíginu 2018.

Síðasta liðið til að slá Tindastól út úr undanúrslitum voru Haukar vorið 2016 en Haukarnir fóru þá í lokaúrslitin eftir 3-1 sigur. Stólarnir duttu líka út fyrir Grindavík árið 2003 en hafa unnið öll hin fimm undanúrslitaeinvígi sín.

Sigurhlutfall Stólanna í undanúrslitum er nú 61 prósent sem það langhæsta með allra liða sem hafa tekið þátt í undanúrslitum úrslitakeppni karla í körfubolta.

  • Undanúrslitaeinvígi Tindastóls í sögu úrslitakeppni karla:
  • 2025: Staðan er 1-0 á móti Álftanesi
  • 2023: 3-1 sigur á Njarðvík
  • 2022: 3-1 sigur á Njarðvík
  • 2018: 3-1 sigur á ÍR
  • 2016: 3-1 tap fyrir Haukum
  • 2015: 3-1 sigur á Haukum
  • 2003: 3-2 tap fyrir Grindavík
  • 2001: 3-2 sigur á Keflavík
  • -
  • Hæsta sigurhlutfall félaga í leikjum í undanúrslitum
  • Tindastóll 61% (19-12)
  • Keflavík 55% (56-46)
  • Grindavík 53% (42-37)
  • Valur 54% (15-13)
  • Snæfell 52% (16-15)
  • Njarðvík 50% (51-51)
  • KR 49% (47-49)
Bónus-deild karla Tindastóll

Mest lesið


Fleiri fréttir

Sjá meira


×

Mest lesið