„Þeir liggja hérna eins og hráviði út um allt“ Jón Þór Stefánsson skrifar 19. apríl 2025 10:08 Líkt og sjá má gista drengirnir á flugvallaganginum. Freydís Bjarnadóttir Hátt í níutíu íslenskir piltar, þar af sjötíu undir lögaldri, eru fastir ásamt fylgdarliði á flugvellinum í Barselóna þessa stundina. Í hópnum eru allt niður í fjórtán ára börn og einhver enn þá yngri systkini. Drengirnir sem eru annars vegar Skagamenn og hins vegar Grindvíkingar voru í keppnisferð í fótbolta, að taka þátt í Daurada Cup í Salou. Pappírar sem gera fararstjórum kleift að ferðast með strákana renna út í dag. Samkvæmt upplýsingum frá Play er vonast til að vélin geti flogið heim í dag. „Við erum búin að liggja á marmaranum í alla nótt. Og ekkert útlit fyrir að við getum farið héðan,“ segir Freydís Bjarnadóttir, móðir og fararstjóri, við fréttastofu. „Við áttum flug seint í gærkvöldi. Fyrst þurftum við að bíða heillengi í vélinni áður en við fórum í loftið. Svo fórum við í loftið, en komumst líklega aldrei í fulla flughæð. Við byrjum að hringsóla strax. Svo segir flugstjórinn okkur að það sé bilun í loftræsti- eða kælikerfi fyrir einhverja tölvu. Það var ekki hægt að fljúga vélinni heim þannig, segir hann. Það var mikið bensín á vélinni. Þannig hann ætlaði að hringsóla með dekkin niðri í hálftíma, en við gerðum það reyndar í klukkutíma, og lendum svo aftur í Barselóna.“ Hópurinn kemur bæði frá ÍA og Grindavík.Freydís Bjarnadóttir Þau hafi lent aftur þegar klukkan var orðin rúmlega eitt. Freydís segir að á meðan þau voru í vélinni, sem var á vegum flugfélagsins Play, hafi þeim verið lofað hótelgistingu. Þegar þau hafi komið á flugstöðina hafi þeim síðan verið sagt að það yrði ekki gert. Þá hafi þau sjálf reynt að hringa nokkur símtöl til að redda gistingu en ekki haft neitt upp úr krafsinu. „Enda er erfitt að koma með sjötíu krakka inn á eitthvað hótel klukkan þrjú um nótt,“ segir Freydís. Þau hafi því fundið þann stað á flugvellinum þar sem lýsingin var minnst. Þar hafi þau fengið strákana til að taka allt mjúkt upp úr töskunum og liggja og sofa. „Þeir liggja hérna eins og hráviði út um allt,“ segir Freydís. Hún tekur fram að drengirnir hafi staðið sig eins og hetjur í þessu öllu saman. Fluginu aflýst Að sögn Freydísar voru fyrstu fréttir á þá leið að flugvélin yrði löguð og þau færu af stað rétt fyrir eitt í dag. Það hafi síðan breyst. „Rétt um sjö í morgun þá fara að koma skilaboð um að það sé búið að aflýsa fluginu alveg,“ segir Freydís, en næsta flug er á miðvikudag. Freydís segir að drengirnir hafi staðið sig eins og hetjur.Freydís Bjarnadóttir „Þannig við sitjum hérna ekki með neitt hótel, ekki með neitt flug. Það væri allt í góðu ef þetta væri fullorðið fólk en þetta eru bara börn, sjötíu börn sem eru skilin eftir á flugvelli í Barselóna. Við viljum bara vera sótt. Það hljóta að vera einhver lög sem verja okkur. Ég trúi ekki öðru.“ Pappírarnir að renna út Eitt vandamál sem blasir nú við þeim er að pappírar, sem foreldrar skrifuðu undir og gera fararstjórunum kleift að ferðast með börnin, renna út í dag. „Við getum ekki treyst því að við getum farið með strákana á flakk. Við eigum ekki nema lítinn hluta af börnunum. Stærstur hlutinn er foreldralaus börn.“ Freydís segir að sér finnist óþægilegt að bara ábyrgð á öllum þessum börnum í aðstæðum sem hún ráði ekki við. Tösku stolið og vegabréfið með Freydís greinir einnig frá því að búið sé að stela tösku eins drengsins, og þar með vegabréfinu hans. Taskan hafi horfið og við leit hafi þau fundið brottfararspjaldið hans í ruslatunnu. Hún telur því ljóst að töskunni hafi verið stolið. Að sögn Freydísar vilja þau ekki verja páskunum á flugvelli. Þau vonast til þess að einhver sem geti bjargað málunum muni gera það. „Þeir vilja auðvitað bara fara heim. Það er páskafrí. Allir áttu að fara í páskafrí með fjölskyldunni.“ Drengirnir vilja komast heim í páskafrí.Freydís Bjarnadóttir Reyna að koma vélinni í lag í dag Birgir Olgeirsson, sérfræðingur í almannatengslum hjá Play, segir í samtali við fréttastofu að verið sé að bíða eftir varahlutum. Um leið og þeir komi verði flogið af stað með hópinn. Vonast sé til þess að hægt verði að koma þessu í lag í dag. Honum skilst að enga gistingu hafi verið að fá, en að farþegar hafi verið upplýstir um þeirra réttindi. „Það er verið að vinna að þessu hörðum höndum og vonandi tekst þetta allt vel í dag.“ Fréttir af flugi Play Spánn ÍA Grindavík UMF Grindavík Akranes Börn og uppeldi Íslendingar erlendis Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira
Samkvæmt upplýsingum frá Play er vonast til að vélin geti flogið heim í dag. „Við erum búin að liggja á marmaranum í alla nótt. Og ekkert útlit fyrir að við getum farið héðan,“ segir Freydís Bjarnadóttir, móðir og fararstjóri, við fréttastofu. „Við áttum flug seint í gærkvöldi. Fyrst þurftum við að bíða heillengi í vélinni áður en við fórum í loftið. Svo fórum við í loftið, en komumst líklega aldrei í fulla flughæð. Við byrjum að hringsóla strax. Svo segir flugstjórinn okkur að það sé bilun í loftræsti- eða kælikerfi fyrir einhverja tölvu. Það var ekki hægt að fljúga vélinni heim þannig, segir hann. Það var mikið bensín á vélinni. Þannig hann ætlaði að hringsóla með dekkin niðri í hálftíma, en við gerðum það reyndar í klukkutíma, og lendum svo aftur í Barselóna.“ Hópurinn kemur bæði frá ÍA og Grindavík.Freydís Bjarnadóttir Þau hafi lent aftur þegar klukkan var orðin rúmlega eitt. Freydís segir að á meðan þau voru í vélinni, sem var á vegum flugfélagsins Play, hafi þeim verið lofað hótelgistingu. Þegar þau hafi komið á flugstöðina hafi þeim síðan verið sagt að það yrði ekki gert. Þá hafi þau sjálf reynt að hringa nokkur símtöl til að redda gistingu en ekki haft neitt upp úr krafsinu. „Enda er erfitt að koma með sjötíu krakka inn á eitthvað hótel klukkan þrjú um nótt,“ segir Freydís. Þau hafi því fundið þann stað á flugvellinum þar sem lýsingin var minnst. Þar hafi þau fengið strákana til að taka allt mjúkt upp úr töskunum og liggja og sofa. „Þeir liggja hérna eins og hráviði út um allt,“ segir Freydís. Hún tekur fram að drengirnir hafi staðið sig eins og hetjur í þessu öllu saman. Fluginu aflýst Að sögn Freydísar voru fyrstu fréttir á þá leið að flugvélin yrði löguð og þau færu af stað rétt fyrir eitt í dag. Það hafi síðan breyst. „Rétt um sjö í morgun þá fara að koma skilaboð um að það sé búið að aflýsa fluginu alveg,“ segir Freydís, en næsta flug er á miðvikudag. Freydís segir að drengirnir hafi staðið sig eins og hetjur.Freydís Bjarnadóttir „Þannig við sitjum hérna ekki með neitt hótel, ekki með neitt flug. Það væri allt í góðu ef þetta væri fullorðið fólk en þetta eru bara börn, sjötíu börn sem eru skilin eftir á flugvelli í Barselóna. Við viljum bara vera sótt. Það hljóta að vera einhver lög sem verja okkur. Ég trúi ekki öðru.“ Pappírarnir að renna út Eitt vandamál sem blasir nú við þeim er að pappírar, sem foreldrar skrifuðu undir og gera fararstjórunum kleift að ferðast með börnin, renna út í dag. „Við getum ekki treyst því að við getum farið með strákana á flakk. Við eigum ekki nema lítinn hluta af börnunum. Stærstur hlutinn er foreldralaus börn.“ Freydís segir að sér finnist óþægilegt að bara ábyrgð á öllum þessum börnum í aðstæðum sem hún ráði ekki við. Tösku stolið og vegabréfið með Freydís greinir einnig frá því að búið sé að stela tösku eins drengsins, og þar með vegabréfinu hans. Taskan hafi horfið og við leit hafi þau fundið brottfararspjaldið hans í ruslatunnu. Hún telur því ljóst að töskunni hafi verið stolið. Að sögn Freydísar vilja þau ekki verja páskunum á flugvelli. Þau vonast til þess að einhver sem geti bjargað málunum muni gera það. „Þeir vilja auðvitað bara fara heim. Það er páskafrí. Allir áttu að fara í páskafrí með fjölskyldunni.“ Drengirnir vilja komast heim í páskafrí.Freydís Bjarnadóttir Reyna að koma vélinni í lag í dag Birgir Olgeirsson, sérfræðingur í almannatengslum hjá Play, segir í samtali við fréttastofu að verið sé að bíða eftir varahlutum. Um leið og þeir komi verði flogið af stað með hópinn. Vonast sé til þess að hægt verði að koma þessu í lag í dag. Honum skilst að enga gistingu hafi verið að fá, en að farþegar hafi verið upplýstir um þeirra réttindi. „Það er verið að vinna að þessu hörðum höndum og vonandi tekst þetta allt vel í dag.“
Fréttir af flugi Play Spánn ÍA Grindavík UMF Grindavík Akranes Börn og uppeldi Íslendingar erlendis Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira