Fótbolti

Meðalárslaun í kvenna­boltanum ein og hálf milljón króna

Ingvi Þór Sæmundsson skrifar
Úr úrslitaleik enska deildabikarsins þar sem Chelsea sigraði Manchester City. Félögin eru með þeim stærstu í kvennaboltanum.
Úr úrslitaleik enska deildabikarsins þar sem Chelsea sigraði Manchester City. Félögin eru með þeim stærstu í kvennaboltanum. ap/Richard Sellers

Atvinnukona í fótbolta fær að meðaltali tæplega eina og hálfa milljón í árslaun. Þetta kemur fram í árlegri skýrslu FIFA um kvennaboltann.

Samkvæmt skýrslunni eru meðallaun fótboltakonu 10.900 Bandaríkjadalir. Það gera rétt tæplega eina og hálfa milljón íslenskra króna.

Í skýrslunni er félögum í kvennaboltanum skipt upp í þrjú stig. Í fyrsta stiginu er 41 félag í sextán löndum. Meðallaun leikmanna þessara félaga eru í kringum 24 þúsund Bandaríkjadali, eða 3,2 milljónir íslenskra króna. 

Sextán af þessum stærstu félögum greiða að meðaltali fimmtíu þúsund Bandaríkjadali í árslaun, eða 6,7 milljónir íslenskra króna. Hæstu árslaunin eru um 120 þúsund Bandaríkjadalir. Það gera rétt rúmlega sextán milljónir íslenskra króna.

Leikmenn sem spila fyrir félög á öðru stigi fá 4.361 Bandaríkjadali (584.592 íslenskar krónur) og leikmenn á þriðja stiginu 2.805 Bandaríkjadali (376.010 íslenskar krónur).

Leikmenn í efsta stiginu eru með lengstu samningana en þeir eru oftast frá einu til þriggja ára. Leikmenn í þriðja stiginu eru flestir með mjög stutta samninga.

FIFA Fótbolti Kjaramál

Mest lesið


Fleiri fréttir

Sjá meira


×

Mest lesið