Real án Mbappé í kvöld

Real er í ágætum málum eftir 1-0 sigur á útivelli gegn Benfica. Eftir þann leik hefur mest umræða verið um meint kynþáttaníð í garð Vinicius Junior, sem skoraði sigurmark Real, en Mbappé sagðist eftir leikinn hafa heyrt kynþáttaníðið.

Gianluca Prestianni, tvítugi kantmaðurinn í liði Benfica, er sakaður um kynþáttaníðið og má ekki spila í kvöld eftir að UEFA ákvað að dæma hann í bann þó að málið sé enn til rannsóknar. 

Prestianni kom reyndar þrátt fyrir þetta með til Madridar og æfði á Santiago Bernabeu í gær.

Nú er ljóst að Mbappé verður ekki heldur með í leiknum í kvöld en hann glímir við meiðsli í hné og var ákveðið að taka enga áhættu að þessu sinni.