Leikurinn í Mexíkó fer fram

Óvissa hefur ríkt um leik liðanna vegna ólgu í Mexíkó í kjölfar þess að mexíkóski herinn felldi glæpaforingjann Rúben Nemesio Oseguera, þekktur sem El Mencho, í fyrradag. Oseguera fór fyrir einum stærstu glæpasamtökum heims og viðbrögðin urðu hörð víða um land þar sem bílar voru brenndir og vegum lokað.

Greint var frá misvísandi fréttum erlendra miðla af því hvort leikurinn færi fram eður ei á Vísi í morgun.

Ómar Smárason, samskiptastjóri KSÍ, greinir frá því við Vísi í dag að dagskrá landsliðsins sé óbreytt og leikurinn fari fram á morgun.

Gera má ráð fyrir gríðarlegri öryggisgæslu í kringum leikinn. Bæði lögreglumenn og hermenn komi að þeirri öryggisgæslu sem verði innan vallarins og utan, og í nærliggjandi hverfum.

Borgaryfirvöld á reglulega stöðufundi með öryggisfulltrúum sem og mexíkóska knattspyrnusambandinu fram að leik en ekki er gert ráð fyrir breytingum, öðruvísi en ástandið í Queretaro snarversni á næsta sólarhringnum eða svo.

Leikur Íslands við Mexíkó fer fram klukkan 2:00 aðfaranótt fimmtudags. Leikurinn verður sýndur beint á Sýn Sport, í opinni dagskrá.