Viðskipti innlent

Versta kartöfluuppskeran í ára­tugi

Árni Sæberg skrifar
Kartöfluuppskera ársins í fyrr var rýr. Þessar kartöflur eru ekki íslenskar og myndin er úr safni.
Kartöfluuppskera ársins í fyrr var rýr. Þessar kartöflur eru ekki íslenskar og myndin er úr safni. Mikroman6/Getty

Kartöfluuppskera árið 2024 var 5.514 tonn sem er sú minnsta síðan 1993 þegar hún var 3.913 tonn. Heildaruppskera korns, sem bændur þresktu af ökrum sínum árið 2024, var rúm 5.100 tonn en það er minnsta kornuppskera frá árinu 2018.

Þetta segir í samantekt á vef Hagstofu Íslands. Þar segir jafnframt að uppskera á tómötum og papriku í ylrækt hafi aukist miðað við árið 2023. Hvað framleiðslu á agúrkum varðar hafi hún verið í stöðugum vexti undanfarin tuttugu ár. Salat sé að mestu leyti framleitt í ylrækt og heildaruppskera þess hafi numið 553 tonnum, sem sé 6 prósenta samdráttur frá árinu 2023. Þrátt fyrir það hafi þetta verið þriðja mesta salatuppskera sem mælst hefur.

Gulrótauppskeranhafi verið 481 tonn, sem sé minnsta uppskeran í ellefu ár og 53 prósentum minni en árið 2023. Rófuuppskeran hafi verið 549 tonn, fjórtán prósentum minni en árið 2023.

Mjólkurframleiðslan árið 2024 hafi verið rúm 158 þúsund tonn, sú mesta frá árinu 1977 eða eins langt aftur og gögn ná. Þá hafi ullarframleiðsla aukist frá fyrra ári og var 553 tonn.






Fleiri fréttir

Sjá meira


×