Yfir 50 látist af völdum ó­þekktra veikinda í Austur-Kongó

Þau voru öll undir fimm ára og létust í kjölfar einkenna á borð við hita, orkuleysi og blóðug uppköst.

Samkvæmt Alþjóðaheilbrigðisstofnuninni hafa 431 greinst og 53 látist í tveimur þorpum. Ekki hafa fundist tengsl á milli veikindanna í þorpunum tveimur. 

Búið er að útiloka að veikindin séu af völdum Ebólu eða Marburg-veirunnar.

Tarik Jašarević, talsmaður WHO, sagði á blaðamannafundi í gær að um væri að ræða umtalsverða ógn en tilfellum hefur fjölgað nokkuð hratt frá því að veikindin brutust út í janúar.

Teymi eru á vettvangi að rannsaka hvort um er að ræða sjúkdóma eða mögulega eitrun. Aðrir sjúkdómar sem koma til greina eru malaría, taugaveiki eða heilahimnubólga.

Veikindi sem brutust út annars staðar í Austur-Kongó í desember síðastliðnum reyndust af völdum malaríiu.

Guardian greindi frá.