Líkamsræktarfrömuður selur í Kópa­vogi

Birkir hefur nú sett á sölu fimm til sex herbergja íbúð á fjórðu og efstu hæð. Fram kemur á fasteignavef Vísis að íbúðin er á tveimur hæðum, þar er sér þvottahús, sér sjónvarpsými og hægt er að bæta við svefnherbergi.

Birkir Vagn er einkaþjálfari og íþróttafræðingur sem hefur boðið upp á hóptíma í MGT í líkamsræktarstöð sinni í Borgartúni undanfarin ár. Hann var áður með MGT námskeið í World Class sem slógu í gegn og annaði hann ekki eftirspurn eftir plássum í tímana líkt og Fréttablaðið greindi frá á sínum tíma. 

Íbúð Birkis er 139,4 fermetrar að stærð. Úr íbúðinni er gott útsýni yfir Kópavoginn. Uppsett verð er 89,9 milljónir króna.

Sjá nánar á fasteignavef Vísis.