Handbolti

Meiddist á HM og missir af næstu leikjum

Valur Páll Eiríksson skrifar
Viggó Kristjánsson þarf að bíða í einhverjar vikur eftir því að þreyta frumraun sína með Erlangen.
Viggó Kristjánsson þarf að bíða í einhverjar vikur eftir því að þreyta frumraun sína með Erlangen.

Viggó Kristjánsson meiddist lítillega í hné á HM og þarf að bíða um stund eftir frumraun sinni með Erlangen í þýsku úrvalsdeildinni í handbolta.

Viggó var á meðal betri leikmanna Íslands á mótinu og spilaði nánast allar mínútur í hægri skyttu stöðunni í fjarveru Ómars Inga Magnússonar. Viggó var markahæstur Íslendinga á mótinu en álagið virðist eitthvað hafa haft áhrif.

Handball-World greinir frá því að hann glími við eymsli í hné og missi af næstu leikjum.

Hann var keyptur til Erlangen frá Leipzig skömmu fyrir HM en á enn eftir að spila sinn fyrsta leik fyrir liðið. Serbinn Milos Kos fór sömu leið en Erlangen berst fyrir lífi sínu í deildinni.

Erlangen mætir Flensburg á sunnudag í fyrsta leik liðsins á nýju ári og mætir Hamburg viku síðar.

Þýski handboltinn Handbolti

Tengdar fréttir

Svarar Óla Stef: „Er alveg sammála honum“

Landsliðsmaðurinn Viggó Kristjánsson kippir sér ekki mikið upp við það að Ólafur Stefánsson hristi hausinn yfir nýlegum skiptum hans til Erlangen í Þýskalandi.

Mest lesið


Fleiri fréttir

Sjá meira


×

Mest lesið