Körfubolti

Tryggvi Snær tók flest frá­köst í góðum sigri

Runólfur Trausti Þórhallsson skrifar
Tryggvi Snær í leik með íslenska landsliðinu.
Tryggvi Snær í leik með íslenska landsliðinu. vísir/Hulda Margrét

Tryggvi Snær Hlinason og félagar í Bilbao Basket lögðu MB Andorra í spænsku ACB-deild karla í körfubolta í kvöld. Tryggvi Snær fór mikinn undir körfunni og var aðeins einu frákasti frá tvöfaldri tvennu.

Bilbao var skrefi framar allan leikinn og vann á endanum leikinn með átta stiga mun, lokatölur 82-74.

Tryggvi Snær skoraði 11 stig, tók níu fráköst og gaf eina stoðsendingu. Enginn á vellinum tók fleiri fráköst. Jan Patrick Melwin Pantzar var stigahæstur í liði Bilbao með 15 stig ásamt því að taka sjö fráköst og gefa fimm stoðsendingar.

Sigur kvöldsins var sá sjötti í 14 leikjum hjá Bilbao á leiktíðinni. Liðið situr í 12. sæti af 18 liðum.

Körfubolti Spænski körfuboltinn

Mest lesið


Fleiri fréttir

Sjá meira


×

Mest lesið