Gjafa­kort sem minna á sig og renna aldrei út

„Það sem meira er, gjafakortið rennur aldrei út, ólíkt því sem önnur gjafakort gera,“ segir Jón Birgir Valsson, sölustjóri fyrirtækjasviðs hjá S4S sem rekur meðal annars verslanirnar Ellingsen, Steinar Waage, Kaupfélagið, Ecco, Skechers, Air og S4S Premium Outlet.

„Við höfum átt farsælt og traust samstarf við forstöðumenn fyrirtækja undanfarin ár sem hafa valið gjafakortin okkar sem jólagjöf fyrir starfsmenn sína.” Ástæðuna segir Jón meðal annars að megi rekja til þess vöruúrvals sem er í boði í öllum verslunum S4S en fyrirtækið rekur tólf verslanir og stærstu netverslun Íslands fyrir fatnað og skó. „Það að gjafakortið renni aldrei út er sömuleiðis stór áhrifaþáttur sem viðskiptavinir okkar kunna að meta. Hins vegar eru það þægindin sem fylgja því að fara þessa leið og eiga viðskipti við okkur sem forstöðumenn fyrirtækja, sérstaklega stærri fyrirtækja, nefna.”

Láta vita af tilboðum

„Þú ert alltaf með gjafakortið í símanum og þegar veskinu í símanum er flett þá blasir gjafakortið þar við. Þar fyrir utan þá sendum við þér skilaboð, þegar þú ert í nágrenni við einhverja af verslunum S4S, til að minna þig á að þú getir nýtt gjafakortið í þeirri verslun S4S sem er þér næst og lætur jafnframt vita ef það eru sértilboð eða afslættir í gangi. Þetta hefur orðið til þess að nýtingin á Gjafakotum S4S hefur aukist til muna og það er nánast full nýting á þeim,“ segir Jón Birgir enn fremur og bætir við að þetta sé mjög hentug lausn fyrir fyrirtæki sem horfi sérstaklega til umhverfisvænna sjónarmiða þar sem rafræn gjafakort skilji eftir sig lítið kolefnisspor. „Rétt eins og þeir aðilar sem kjósa að nota seðla fram yfir greiðslukort, þá eru alltaf einhverjir sem kjósa að fá gjafakortin í pappírsformi og við mætum þeim óskum að sjálfsögðu. Við merkjum þó að slíkar beiðnir séu á nokkru undanhaldi milli ára.“

Fljótlegt og einfalt

Gjafakort þessi eru sérstaklega vinsæl hjá fyrirtækjum að sögn Jóns Birgis þar sem það er frekar einfalt og fljótlegt að afgreiða þau en þó sé alltaf að aukast að einstaklingar kaupi þau líka, til að mynda foreldrar og afar og ömmur fyrir stórfjölskylduna.

„Fyrirtæki sem vilja kaupa jólagjöf fyrir starfsfólk þurfa bara að senda okkur línu eða hringja, gefa okkur upphæð gjafakortanna auk þess að senda okkur nafnalista með símanúmerum. Þá er jólagjöfin bara afgreidd,“ segir Jón Birgir og bætir við að oft gefi fyrirtækin kortin á skemmtilegan hátt.

„Ég get nefnt sem dæmi ákveðna byggingavöruverslun þar sem forstjórinn mætir á jólaskemmtunina og heldur tölu þar sem hann þakkar starfsfólkinu fyrir vel unnin störf á árinu. Um leið og ræða forstjórans er búin, þá höfum við tímastillt afhendingu rafrænu gjafakortanna á þann hátt að sms sendingin til starfsfólksins klingir í símunum á sama tíma, eða um það leiti sem ræða forstjóra er afstaðin. Við getum þannig stýrt því hvenær gjafakortin berast til starfsmanna.

Þótt okkar stærsti viðskiptahópur með gjafakortin séu fyrirtæki þá er töluvert selt í einstaklingssölu líka. Það er svo einfalt að fara inn á heimasíðuna okkar, s4s.is, undir flipann gjafakort, og útfæra gjafakortið eftir þörfum. Til að mynda er hægt að setja inn mynd af fjölskyldunni eða viðtakandanum, ákveða upphæð og klára kaupin á vefsíðunni. Þar er líka hægt að kaupa eins mörg gjafakort og viðkomandi þarf í einu.“

Þetta þarf ekki alltaf að vera flókið

S4S rekur tólf verslanir og fimm netverslanir og vöruúrvalið er því mjög breitt. Því ættu allir að geta fundið eitthvað við sitt hæfi að sögn Jóns Birgis. „Það þurfa allir skó og við státum okkur af glæsilegum skóverslunum með miklu úrvali af skófatnaði. Þar ber að nefna Steinar Waage, Ecco, Kaupfélagið, Air, Skechers og S4S Premium Outlet, auk þess erum við með útivistarverslunina Ellingsen þar sem má finna allt til útivistar og í útileguna að ógleymdu Rafhjólasetrinu. Við erum með vörur á 15 þúsund vörunúmerum á skrá. Auðvitað spannar þetta mjög breiða vöruflokka því auk skófatnaðar erum við með fatnað, rafhjól og aukahluti þeim tengdum, mikið úrval af útivistar- og útileguvörum, flaggstangir, íþróttafatnað og margt fleira sem hugurinn girnist.

Það er algjör snilld að geta gengið frá kaupunum á gjafakortum á svona einfaldan hátt, með því að senda okkur tölvupóst eða hringja og við klárum að afhenda gjafakortið fyrir þig beint í síma viðtakenda. Þetta þarf ekki alltaf að vera flókið.“

Nánari upplýsingar á vef S4S.