Lægð yfir Vestur­landi stjórnar veðrinu

Þar kemur einnig fram að víða verði rigning eða súld en norðaustantil á landinu verði bjart yfir og þurrt. Hiti er á bilinu 0 til 6 stig.

Síðdegis koma skil að suðaustanverðu landinu með norðaustanátt og rigningu en á sama tíma dregur úr vætu vestantil. Á morgun er útlit fyrir vestan og norðvestanátt með skúrum en er líður á daginn fer úrkoman yfir í él norðanlands.

Á vef Vegagerðar er varað við hálku og hálkublettum víða um land. Víðast hvar er greiðfært en þó einhver vegavinna í gangi víða.

Nánar um veður á vef Veðurstofunnar og færð á vef Vegagerðarinnar.

Veðurhorfur á landinu næstu daga

Á mánudag:

Norðvestan og vestan 5-10 m/s. Él norðantil, annars víða skúrir. Hiti í kringum frostmark, en að 6 stigum suðaustanlands.

Á þriðjudag:

Norðvestan 5-13 m/s, hvassast við norðausturströndina. Él á Norður- og Austurlandi framan af degi, en annars þurrt að kalla. Lægir og léttir víða til síðdegis. Kólnandi. Vaxandi austanátt syðst um kvöldið og þykknar upp með hlýnandi veðri.

Á miðvikudag:

Sunnanátt með rigningu, en austlæg átt og slydda eða snjókoma á norðanverðu landinu. Hiti 0 til 9 stig, hlýjast syðst.

Á fimmtudag:

Útlit fyrir norðlæga átt með snjókomu eða éljum, en skúrir sunnan heiða. Lægir, styttir víða upp og kólnar um kvöldið.

Á föstudag:

Breytileg átt og bjart með köflum, en hvessir af suðri og þykknar upp seinnipartinn.

Á laugardag:

Líklega stíf sunnanátt með rigningu og hlýnandi veðri.