Körfubolti

Martin magnaður í fyrsta sigrinum

Sindri Sverrisson skrifar
Martin Hermannsson var áberandi í sigri Alba Berlín í dag.
Martin Hermannsson var áberandi í sigri Alba Berlín í dag. Getty/Hendrik Schmidt

Martin Hermannsson virðist vera kominn á fulla ferð í þýska körfuboltanum með Alba Berlín en hann átti stórleik í 105-70 sigri gegn Oldenburg í dag.

Martin var atkvæðamestur allra á vellinum og skoraði flest stig eða tuttugu talsins, auk þess að eiga einnig flestar stoðsendingar, eða ellefu. Hann setti niður fjögur af sex tveggja stiga skotum sínum og annan af tveimur þristum, og öll níu vítaskot sín.

Heimamenn í Alba Berlín komust í 28-11 í fyrsta leikhluta en gestirnir minnkuðu muninn í níu stig fyrir hálfleik. Það var þó aldrei spurning hvernig færi í seinni hálfleiknum.

Alba Berlín fagnaði því öruggum sigri eftir að hafa þurft að sætta sig við 97-80 tap gegn Hamburg Towers í fyrstu umferð.

Þýski körfuboltinn

Mest lesið


Fleiri fréttir

Sjá meira


×

Mest lesið