Viðskipti innlent

Salzburg úr sögunni hjá Play

Kolbeinn Tumi Daðason skrifar
Valencia verður níundi áfangastaður Play á Spáni.
Valencia verður níundi áfangastaður Play á Spáni. Vísir/Vísir

Play hefur ákveðið að hætta vikulegum flugferðum til Salzburg í Austurríki eins og boðið hefur verið upp á undanfarna þrjá vetur. Eftirspurnin reyndist ekki næg.

Icelandair hefur einnig boðið upp á flug til Salzburg yfir veturinn en frá borginni er stutt í austurrískar skíðabrekkur.

FF7 greinir frá og hefur eftir Birgi Olgeirssyni, talsmanni Play, að eftirspurn hafi ekki verið næg. Play sinni skíðaþyrstum áfram yfir vetrartímann með flugferðum til Genf í Sviss og Verona á Ítalíu.

Farþegar sem eigi bókað með Play til Salzburg í vetur geti valið á milli flugs á annan áfangastað í Evrópu, fulla endurgreiðslu eða gjafabréfs þar sem fimmtungur bætist við upphæðina.

Play Austurríki Fréttir af flugi Keflavíkurflugvöllur


Mest lesið


Fleiri fréttir

Sjá meira


×

Mest lesið