Soffía er nýr skóla­meistari FSu

Frá þessu er greint á vef Stjórnarráðsins. 

„Soffía starfaði um árabil sem efnafræðikennari við Menntaskólann við Hamrahlíð og sem IB stallari við sama skóla á árunum 2008–2022. Hún hefur starfað sem sviðsstjóri vettvangseftirlits hjá Matvælastofnun frá árinu 2022.

Soffía er með grunn- og framhaldsmenntun í efnafræði og diplómu í kennslufræðum frá Háskóla Íslands. Auk þess hefur hún lokið meistaranámi í mannauðsstjórnun og diplómanámi í opinberri stjórnsýslu frá Háskóla Íslands,“ segir í tilkynningunni.

Alls sóttu fjórir um um embættið.