Spreyjaði málningu á bif­reiðar í mið­bænum

Þetta kemur fram í tilkynningu lögreglunnar um atvik dagsins. 

Maðurinn var handtekinn og færður í fangaklefa en ekki liggja fyrir frekari upplýsingar um málið að svo stöddu. 

Þá var tilkynnt um líkamsárás þar sem lögregla telur sig vita hver gerandinn er, en hann hefur ekki verið handtekinn. Auk þess var tilkynnt um innbrot og þjófnað í miðbænum sem og hótanir og eignaspjöll.

Í Hafnarfirði var tilkynnt um nytjastuld, þar sem ljósgráum Wolksvagen Polo bíl, árgerð 2008 var stolið. 

Í Vatnsendahverfi í Kópavogi var tilkynnt um vinnuslys þar sem ungmenni hafði fengið nagla úr naglabyssu í magann. Sá var fluttur með sjúkrabifreið til frekari skoðunar.