Segir ummæli samráðherra um orkumál einföldun Árni Sæberg skrifar 15. apríl 2024 21:12 Grein Guðmundar Inga og ummæli Bjarna gætu fengið margan til þess að efast um einingu innan ríkisstjórnar um orkumálin. Vísir/Vilhelm Formaður Vinstri grænna segist ósammála því að það eina sem þurfi til að ná árangri í loftslagsmálum sé aukin orkuöflun, í miklum mæli og helst án tafar. Þar sé um mikla einföldun að ræða. Forsætisráðherra og utanríkisráðherra hafa nýlega sagt að virkja þurfi meira, strax. Guðmundur Ingi Guðbrandsson, félags- og vinnumarkaðsráðherra og formaður Vinstri grænna, segir í aðsendri grein á Vísi að umræðan um orkumál hafi tekið breytingum á undanförnum misserum. Hún gangi sífellt meira út á að það eina sem þurfi til að ná árangri í loftslagsmálum sé aukin orkuöflun, í miklum mæli og helst án tafar. „Þessu er ég ósammála enda um mikla einföldun að ræða. Loftslagsmál ná til mun fleiri þátta en orkuöflunar, auk þess sem taka þarf ríkt tillit til bæði faglegra sjónarmiða og náttúruverndar við alla orkuöflun.“ Mikilvægt að hafa skýrar áætlanir um samdrátt Guðmundur Ingi segir að því hafi verið fleygt fram í umræðunni að ekki þurfi áætlanir um minni losun því það eina sem þurfi að gera sé að virkja meira. „En það þarf áætlanir og það þarf aðgerðir. Þess vegna var það tryggt í lögum í tíð minni sem umhverfisráðherra að aðgerðaáætlun í loftslagsmálum beri að endurskoða eigi sjaldnar en á fjögurra ára fresti. Aðgerðaáætlun var síðast gefin út árið 2020 undir stjórn minni í umhverfisráðuneytinu.“ Um helmingur losunar á beinni ábyrgð íslenskra stjórnvalda snúi að orku og orkuskiptum og þess vegna séu orkuskipti mikilvægur þáttur í að takast á við loftslagsbreytingar. Það sé þó ekki eini mikilvægi þátturinn. Hemingurinn sem eftir stendur sé ekki síður mikilvægur og stafai frá losun vegna landbúnaðar, iðnaðar (þó án stóriðjunnar), úrgangs, jarðvarmavirkjana og annarra þátta. Það sé mjög mikilvægt að hafa skýrar áætlanir um samdrátt í losun í öllum þessum geirum, enda sé það forsenda markvissra aðgerða. „Fyrri áætlanir og aðgerðir hafa einmitt skilað talsverðum árangri, þó betur megi ef duga skal. Ný áætlun er í burðarliðnum í umhverfisráðuneytinu.“ Málaflokkurinn á borði Sjálfstæðismanna, sem vilja virkja Ný áætlun er eins og Guðmundur Ingi segir í burðarliðnum í umhverfisráðuneytinu, þar sem Sjálfstæðismaðurinn Guðlaugur Þór Þórðarson, umhverfis-, orku- og loftslagsráðherra, heldur um stjórntaumana. Samflokksmenn Guðlaugs Þórs, þau Bjarni Benediktsson forsætisráðherra og Þórdís Kolbrún Reykfjörð Gylfadóttir utanríkisráðherra, hafa nýverið sagt að virkja þurfi meira, og það strax. Bjarni sagði í fyrsta viðtali eftir að tilkynnt var um að hann tæki við forsætiráðuneytinu að ólíðandi væri að talað sé um orkuskort hér á landi. „Það er ólíðandi að á Íslandi sé verið að ræða um orkuskort og að við náum ekki markmiðum okkar í orkuskiptum vegna þess að við sækjum ekki grænu orkuna sem við þó höfum og er jafnvel komin inn í rammaáætlun í nýtingarflokk,“ sagði Bjarni og bætti við að meira verði virkjað. Hann tók í sama streng í yfirlýsingu forsætisráðherra þegar þing kom saman á miðvikudag. „Við þurfum ekki fleiri áætlanir um minni losun“ Svipað hljóð var í Þórdísi Kolbrúnu þegar hún tók til máls á opnum fundi Sjálfstæðismanna um helgina. Hún lagði áherslu á það að frekari áhersla yrði lögð á stefnumál Sjálfstæðismanna nú þegar forsætisráðuneytið væri í höndum flokksins. „Við þurfum ekki fleiri áætlanir um minni losun, við þurfum græna orku og við þurfum mikið af henni strax,“ sagði hún. Í ræði sinni á sama fundi sagðist Bjarni heyra mikið talað um átök innan ríkistjórnarinnar. „Stjórnarandstaðan virðist hafa sérstakar áhyggjur og ég þakka fyrir þá umhyggju. Ég kalla eftir meiri umræðu um málefnin en minni áhyggjur af því hvernig mér gengur að tala við Guðmund félagsmálaráðherra eða hvort ég sé með símann hjá honum eða ekki.“ Hann viðurkenndi að það tæki á að að gera málamiðlanir, en þegar átta flokkar væru á þingi væri það nauðsynlegt. Því bað hann meðlimi flokksins að vera undir það búnir að málamiðlanir yrðu gerðar í sumum málum, en þó ekki í stóru málunum. Ræður Bjarna og Þórdísar auk annarra ráðherra í Sjálfstæðisflokknum má sjá í heild sinni hér að neðan. Leiðrétting: Upphaflega var haft eftir Þórdísi Kolbrúnu að ekki þyrfti áætlarnir um minni losun. Rétt er að hún sagði ekki þurfa fleiri áætlanir um minni losun. Ríkisstjórn Bjarna Benediktssonar Sjálfstæðisflokkurinn Vinstri græn Umhverfismál Loftslagsmál Orkumál Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Neituðu sök en viðurkenna nú að hafa drepið hjálparstarfsmann Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Tugir þúsunda kveðja páfann fyrir útförina Erlent Vagga Akureyrarflugs er á Melgerðismelum Innlent Fleiri fréttir Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sjá meira
Guðmundur Ingi Guðbrandsson, félags- og vinnumarkaðsráðherra og formaður Vinstri grænna, segir í aðsendri grein á Vísi að umræðan um orkumál hafi tekið breytingum á undanförnum misserum. Hún gangi sífellt meira út á að það eina sem þurfi til að ná árangri í loftslagsmálum sé aukin orkuöflun, í miklum mæli og helst án tafar. „Þessu er ég ósammála enda um mikla einföldun að ræða. Loftslagsmál ná til mun fleiri þátta en orkuöflunar, auk þess sem taka þarf ríkt tillit til bæði faglegra sjónarmiða og náttúruverndar við alla orkuöflun.“ Mikilvægt að hafa skýrar áætlanir um samdrátt Guðmundur Ingi segir að því hafi verið fleygt fram í umræðunni að ekki þurfi áætlanir um minni losun því það eina sem þurfi að gera sé að virkja meira. „En það þarf áætlanir og það þarf aðgerðir. Þess vegna var það tryggt í lögum í tíð minni sem umhverfisráðherra að aðgerðaáætlun í loftslagsmálum beri að endurskoða eigi sjaldnar en á fjögurra ára fresti. Aðgerðaáætlun var síðast gefin út árið 2020 undir stjórn minni í umhverfisráðuneytinu.“ Um helmingur losunar á beinni ábyrgð íslenskra stjórnvalda snúi að orku og orkuskiptum og þess vegna séu orkuskipti mikilvægur þáttur í að takast á við loftslagsbreytingar. Það sé þó ekki eini mikilvægi þátturinn. Hemingurinn sem eftir stendur sé ekki síður mikilvægur og stafai frá losun vegna landbúnaðar, iðnaðar (þó án stóriðjunnar), úrgangs, jarðvarmavirkjana og annarra þátta. Það sé mjög mikilvægt að hafa skýrar áætlanir um samdrátt í losun í öllum þessum geirum, enda sé það forsenda markvissra aðgerða. „Fyrri áætlanir og aðgerðir hafa einmitt skilað talsverðum árangri, þó betur megi ef duga skal. Ný áætlun er í burðarliðnum í umhverfisráðuneytinu.“ Málaflokkurinn á borði Sjálfstæðismanna, sem vilja virkja Ný áætlun er eins og Guðmundur Ingi segir í burðarliðnum í umhverfisráðuneytinu, þar sem Sjálfstæðismaðurinn Guðlaugur Þór Þórðarson, umhverfis-, orku- og loftslagsráðherra, heldur um stjórntaumana. Samflokksmenn Guðlaugs Þórs, þau Bjarni Benediktsson forsætisráðherra og Þórdís Kolbrún Reykfjörð Gylfadóttir utanríkisráðherra, hafa nýverið sagt að virkja þurfi meira, og það strax. Bjarni sagði í fyrsta viðtali eftir að tilkynnt var um að hann tæki við forsætiráðuneytinu að ólíðandi væri að talað sé um orkuskort hér á landi. „Það er ólíðandi að á Íslandi sé verið að ræða um orkuskort og að við náum ekki markmiðum okkar í orkuskiptum vegna þess að við sækjum ekki grænu orkuna sem við þó höfum og er jafnvel komin inn í rammaáætlun í nýtingarflokk,“ sagði Bjarni og bætti við að meira verði virkjað. Hann tók í sama streng í yfirlýsingu forsætisráðherra þegar þing kom saman á miðvikudag. „Við þurfum ekki fleiri áætlanir um minni losun“ Svipað hljóð var í Þórdísi Kolbrúnu þegar hún tók til máls á opnum fundi Sjálfstæðismanna um helgina. Hún lagði áherslu á það að frekari áhersla yrði lögð á stefnumál Sjálfstæðismanna nú þegar forsætisráðuneytið væri í höndum flokksins. „Við þurfum ekki fleiri áætlanir um minni losun, við þurfum græna orku og við þurfum mikið af henni strax,“ sagði hún. Í ræði sinni á sama fundi sagðist Bjarni heyra mikið talað um átök innan ríkistjórnarinnar. „Stjórnarandstaðan virðist hafa sérstakar áhyggjur og ég þakka fyrir þá umhyggju. Ég kalla eftir meiri umræðu um málefnin en minni áhyggjur af því hvernig mér gengur að tala við Guðmund félagsmálaráðherra eða hvort ég sé með símann hjá honum eða ekki.“ Hann viðurkenndi að það tæki á að að gera málamiðlanir, en þegar átta flokkar væru á þingi væri það nauðsynlegt. Því bað hann meðlimi flokksins að vera undir það búnir að málamiðlanir yrðu gerðar í sumum málum, en þó ekki í stóru málunum. Ræður Bjarna og Þórdísar auk annarra ráðherra í Sjálfstæðisflokknum má sjá í heild sinni hér að neðan. Leiðrétting: Upphaflega var haft eftir Þórdísi Kolbrúnu að ekki þyrfti áætlarnir um minni losun. Rétt er að hún sagði ekki þurfa fleiri áætlanir um minni losun.
Ríkisstjórn Bjarna Benediktssonar Sjálfstæðisflokkurinn Vinstri græn Umhverfismál Loftslagsmál Orkumál Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Neituðu sök en viðurkenna nú að hafa drepið hjálparstarfsmann Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Tugir þúsunda kveðja páfann fyrir útförina Erlent Vagga Akureyrarflugs er á Melgerðismelum Innlent Fleiri fréttir Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sjá meira