Tindastóll tapaði með 23 stigum á móti Grindavík í Smáranum í fyrsta leik liðanna í átta liða úrslitum úrslitakeppni Subway deildar karla í körfubolta. Þetta er langversti skellur Íslandsmeistara frá upphafi í fyrsta leik í úrslitakeppni árið eftir að þeir unnu titilinn.
Stólarnir meira en tvöfölduðu metið. Stærsta tapið fyrir leikinn í gærkvöldi var 11 stiga tap Keflavíkur á móti Grindavík í úrslitakeppninni 2000. Grindvíkingar halda því metinu yfir stærsta sigurinn á meisturum ársins á undan.
Stólarnir eru líka aðeins fimmtu Íslandsmeistararnir í sögu úrslitakeppninnar sem tapa fyrsta leik.
Úrslitakeppnin fór fyrst fram árið 1984 og fer fram í fertugasta skiptið í ár. Það þýðir að 35 af 40 Íslandsmeisturum hafa byrjað næstu úrslitakeppni á eftir með sigri í fyrsta leik eða 88 prósent meistaranna.
Hin liðin í hóp með Tindastól eru fyrrnefnt Keflavíkurlið frá 2000, KR liðið frá 2008, Njarðvíkingar frá 1992 og svo Valsmenn í fyrra. Valsliðið í fyrra tapaði fyrsta leiknum í einvíginu en vann svo næstu þrjá. Liðið endaði á því að fara alla leið í úrslitin en tapaði þá fyrir Tindastól í oddaleik.
Valsliðið í fyrra eru einu meistararnir sem hafa komist áfram í sínu einvígi eftir að hafa tapað fyrsta leiknum í titilvörninni. Nú reynir á Stólanna að breyta því.
- Íslandsmeistarar sem hafa tapað fyrsta leik í úrslitakeppni árið eftir
- Tindastóll 2024
- Tapaði með 23 stigum á útivelli á móti Grindavík (88-111)
- - staðan er 1-0 fyrir Grindavík
-
-
- Valur 2023
- Tapaði með 5 stigum á heimavelli á móti Stjörnunni (89-94)
- - vann einvígið 3-1
- -
- KR 2008
- Tapaði með 9 stigum á heimavelli á móti ÍR (76-85)
- - tapaði einvíginu 1-2
- -
- Keflavík 2000
- Tapaði með 11 stigum á útivelli á móti Grindavík (61-72)
- - tapaði einvíginu 1-2
- -
- Njarðvík 1992
- Tapaði með 2 stigum á heimavelli á móti Val (68-70)
- - tapaði einvíginu 1-2
