Austur­gata 10 - blm. í góðri trú blekktir? - Æru­meiðandi dylgjur leigjanda

Ég skrifa þessa skoðun m.a. til að verja æru mína, föður míns heitins og æru hins friðaða húss Austurgötu 10. Faðir minn, Árni Gunnlaugsson hrl., fasteignasali og bæjarfulltrúi í meirihluta í Hafnarfirði í á annan áratug eftir 1966 bjó í a.m.k. áratug í upprunalegu og þá viðurkenndu ástandi Austurgötu 10 (1913). Þar rak hann þekkta og virðulega lögmannsstofu og fasteignasölu í áratugi og hundruðir Hafnfirðinga og borgarar úr nágrannasveitarfélögum hafa stigið fæti sínum inn í þetta hús með einstaka sál að sögn margra, af ýmsum ástæðum.

Í annan stað skrifa ég þessa skoðun til að gera samviskusamlega tilraun til að upplýsa heiðarlega lesendur visir.is, en tugir slíkra hafa haft samband við mig og trúa ekki orði af frásögn leigjanda. Í þriðja lagi til að upplýsa nettröll, sem ausið hafa yfir mig svívirðingum í kommentakerfum visir.is og dv.is, svo mikið að mér blöskrar hin undirliggjandi illgirni áður en mín hlið kom fram í málinu af hálfu visir.is.

Mér dettur hins vegar ekki í hug að eyða orðum í hinn óvandaða miðil dv.is, sem eyddi öllum innleggjum mínum í eftirhermufrétt sinni af visir.is. Ritstjóri þess miðils er á lægsta plani, sem hugsast getur, að mínu mati, og virðir ekki stjórnarskrárvarinn rétt borgara þessa lands sbr. stjórnarskrá lýðveldisins til tjáningarfrelsis að ritskoðun sé óheimil af einstaka aðilum. - Ritstjórinn eyddi, nánast um leið og það birtist, efnislega því sama og hér birtist í ítarlegri og nákvæmari útfærslu.

Ég er stálheiðarlegur, agaður, samviskusamur og vandvirkur einstaklingur að eigin mati og þeirra sem til mín þekkja. Því er framangreind ákvörðun sú eina rétta í mínum huga, svo fram komi milliliðalaust heiðarleg sjónarmið mín. Ég hef ekkert að fela í þessu máli og er búinn að koma fram við Sigurbjörgu Hlöðversdóttur (hér eftir nefnd S) af heilindum einum. Með þessum skrifum loka ég málinu jafnframt í fjölmiðlum og mun ekki tjá mig meira um þetta einstaka mál og alls ekki í kommentakerfum samfélagsmiðla.

Blm. visir.is bauð mér að koma skoðun minni á framfæri með þessum hætti eftir rökstuddar ábendingar mínar til þeirra að ekki væri allt með felldu í frásögn þeirra vegna rangra upplýsinga frá leigjanda. Þar er ekki við fagmennsku þeirra að sakast heldur það leikrit sem leigjandi setti á svið af greinilegum ásetningi að blekkja þá, landsmenn og koma höggi á mig af því að ég vann ekki á þeim hraða sem hún krafðist án tillits til svigrúms míns, vinnu minnar og einkalífs. Um hvað ræðir verður fjallað um í þessari skoðun. Útleiga Austurgötu 10 bar upp með mjög skömmum fyrirvara og jákvæðni mín og almennt rösk fram ganga til verka sagði mér; þetta hefst örugglega á ásættanlegum tíma fyrir S. Þar brást mér bjartsýni mín enda spiluðu líka fjölmörg ófyrirsjáanleg atriði inn í áætlun mína.

Ég þáði framangreint boð visir.is með þökkum og létti vonandi þar með undir hjá þeim góða og mest lesna miðli landsins, sem nú þarft t.d. að beina athygli sinni á eldgos í Grindavík.

Um Austurgötu 10

Austurgata 10 er friðað timburhús frá 1913 með sérstakt minjagildi, sjálfstætt og sem hluti af stærri heild, að mati Minjastofnunar og húsafriðunarnefndar Hafnarfjarðar. Húsið fékk af því tilefni nýlega styrk til endurbóta utan hússins. Húsið var að mestu upprunalegt innandyra þangað til s.l. haust þegar endurbætur hófust þar. Það er upprunalegt að utan og í ágætu ástandi og viðhaldið skv. Minjastofnun og húsfriðunarnefnd og að eigin mati og með nýlegri þakklæðningu.

Búseta í húsinu er mér ókunn fyrr á árum en á árunum 1952-1963 bjó þar Ólafur Arnlaugsson fyrrv. Slökkviliðsstjóri og ól upp barnahóp ásamt konu sinni Rut. Þau seldu það til manns með nafnið Bjarni en faðir minn heitinn Árni Gunnlaugsson hefur keypt það um það leyti sem hann stofnaði stjórnmálasamtökin Félag óháðra borgara 2-3 þremur árum síðar. Þar var bullandi rekstur á lögmannsstofu hans og fasteignasölu í áratugi, auk þess sem hann hýsti AA samtökin og félagsstarf Félags óháðra borgara.

Þangað til sl. haust var eigninni lítið viðhaldið innandyra og var hún að mestu sjarmerandi upprunaleg. Utandyra hefur verið skipt um þakklæðningu og á vordögum verður skipt um bárujárn á veggjum. Sama og ekkert hefur verið átt við upprunalegt ástand eignarinnar frá byggingu utan þess að veggir voru klæddir og fallegt nýtt furugólf sett á stærstan hluta jarðhæðar, utan eldhús sem var upprunalegt þangað til sl haust þegar það var tæmt, byrjað að laga veggi og gólf og stóð þannig autt þangað til í des. á síðasta ári en nokkru áður eða um það leiti að náttúruhamfarir hófust í Grindavík þá var þeim og innviðaráðuneytinu boðið húsnæðið til tímabundinna afnota fyrir Grindvíkinga.

Hægt er að sjá viðleitni mína við framkvæmdir við endurbætur eldhúss í facebook hópnum Gömul hús, hvert ég leitaði oft til að fá ráð við að halda í upprunaleikann frá 1913. Það er og var mikill metnaður af minni hálfu að gera það. Ég virði gamlar byggingar mjög, sama hversu bein þeirra eru lúin, ef svo má að orði komast. Það er sál í gömlum húsum sem mér þykir vænt um stóru sál Austurgötu 10 eins og fjölmargir hafa sagt við mig að tían búi yfir.

Aðdragandinn að leigu til Sigurbjargar Hlöðversdóttur

Núverandi leigjandi komst að boði mínu til Grindvíkinga og gekk hart á eftir því að fá húsið til leigu í því ástandi sem þá var og stóð til að bæta úr og gera það hæft til íbúðar. Í því felst að meginefni að ganga frá eldhúsi og baðherbergi sem þá var hvorttveggja autt.

Þannig tók núverand leigjandi við húsnæðinu eftir að hann féllst á tillögu mína um leigu krónur 200. þús. innifalið rafmagn og hiti. Skv. lauslegri athugun minni væri hægt að leigja umrætt húsnæði á um 340. þús. skv. leigu vísitölu væri það í íbúðarhæfu ástandi.

Gerður var 3ja. mánaða leigusamningur í því skyni að

1. Látið yrði reyna á hvort leigjandi hentaði mér og húsnæðið henni. Að loknu 3ja mánaða tímabil
2. Í því skyni að leigjandi fengi húsaleigubætur en til þess þarf 3ja mán. samning

Síðustu samskipti 8. mars sem fólu í sér tilboð mitt til 12. mánaða leigu og 30 daga skriflegan úrbótafres og samþykkti leigjandi það eins og neðangreind skjáskot sýna. Skrifa átti undir leigusamning 10 mars en 9. mars hefur leigjandi samband og spyr af hverju ég sé ekki komin og í kjölfarið virðis hún hafa haft samband við visir.is - svona hefur leigjandi verið fram og til baka í öllum okkar samskiptum, segir eitt klukkan eitt og svo er það breytt nokkrum mínútum seinna.

Samningurinn var líka tímabundinn af því að ég lenti í því fyrir um tveimur árum að fá leigjanda til mín á öðrum stað, sem bókstaflega lagði þá stórglæsilegu íbúð í einu af glæsilegustu húsum Hafnarfjarðar í rúst eftir gríðarlega neyslu fíkniefna. Það olli mikilli geðshræringu hjá mér og mér datt ekki í hug að leigja annað húsnæði nema vera fullviss um að ég fengi ekki slíkan leigjandi aftur. Þetta tilkynnti ég fjölmiðlum með hörmulegum ljósmyndum en fékk ekki sömu viðtökur og S!

Ofbeldiskennd og ruglingslega samskipti leigjanda

S var búin að hóta mér að hún myndi fara með umkvartanir sínar í fjölmiðla í lok febrúar og gaf í skyn, af því ég er nánast opinber persóna vegna dýraverndar starfa minna og skrifa, að það kæmi sér mjög illa fyrir mig. Tilgangur hennar virðist hafa verið sá einn að koma illu orði á mig, af óskiljanlegum ástæðum, því umkvartanir hennar eru hraktar með rökstuðningi að langmestu leyti í þessari greinargerð.

Ég reyndi að telja hana af því vegna þess að það gæti valdið því að hún missti húsnæðið - mér yrði ekki heimilað að leigja það í því ástandi sem það var í, ekki því ástandi sem S lýsir og sýnir myndir af heldur í því ófullkomna ástandi sem það var áður en S flutti inn.

Spyrja má því af hverju S kýs að búa í húsnæði, óska eftir langtímaleigu á og óska eftir forkaupsrétti á áður en endurbótum er lokið. Húsnæði , sem hún segist skíthrædd að búa í. Ég botna hvorki upp né niður í því.

Ljósmyndir birtar með fréttinni Ég er skíthrædd hér

1. Mynd af baðherbergi þar sem sagt er í myndtexta: svona er ástand baðherbergis

Svar: Baðherbergið var afhent tómt og hreint, með klósetti, vaski og ofni en óflísalagt. Ekki var búið að skafa blá málningu af veggjum - myndin lýsir bara einu, sóðaskap S, sem er í fréttinni skrifaður á leigusala.

2. Myndir af sagi þar sem í texta er sagt: sag út um allt

Svar: Á stofugólfi má sjá 10 cm rifu um 150 cm á lengd. Þetta er eftir millivegg, sem ég tók niður. S fyllti sjálf upp í rifuna með sagi úr vegg þar sem rofi er í eldhúsi. Ætlaði síðan að lakka yfir þegar það hafði þjappast. Hafði ekki þolinmæði í að bíða eftir faglegri lagfæringu.

3. Mynd af ljósahundi og rúmi í kjallara

Svar: Gefið er í skyn að þarna sé um frágang húseiganda að ræða á rafmagni og lýsingu. Það er einfaldlega rangt. Þennan ljósahund fann S í kjallara hússins, hengdi upp til að lýsa upp tóma geymslu hvar hún kom síðan inn ónýtu rúmi fyrir, fyrir neysluvin sinn. Eftir að ég komst að neyslu hans, sem S upplýsti mig um, krafðist ég þess að hann færi út úr húsinu.

Mynd úr sjónvarpsfrétt Stöðvar 2 um málið. Ég tengist þessari umgengni ekki á nokkurn hátt. Þetta var tóm geymsla við afhendingu húsnæðis.

4. Myndir úr eldhúsi sýna nýlega vask úr Góða hirðinum, sem búið var að ganga frá en niðurfall bilaði, þurfti að taka sundur, lagfæra. Vaskurinn er tvískiptur og hinn hluti hans nothæfur. S stakk sjálf upp á að nota hurðina og sagði það tóma peningaeyðslu að kaupa eldhúsvask plötu. Rétt er að það átti eftir að festa vaskinn með silikoni en það kom ekki í veg fyrir að hann væri brúklegur

5. Mynd af rafmagnsrofa. Skrifast alfarið á mig því ég var ekki búinn að saga til nýja veggfjöl sem átti að fara þarna undir.

6. S hefur verið boðið sturtuklefi en hafnar honum, kýs að láta vatn flæða í opið niðurfall á gólfinu sem áður var tengt í bað.

7. Tveir lausir en klipptir rafmagnsvírar. Þetta er rétt og þeir eru staðsettir vinstra megin þegar gengið er inn í stofu. Engin hætta stafar af þeim og til stóð að tengja innstungu við þá fyrir kaffivél S.

8. Gat á svefnherbergisgólfi huldi ég á meðan ég bíð eftir viðeigandi sérsmíðu efni af sömu þykkt, hún fjarlægði huluna sem ég hafði sett yfir til að gefa í skyn við blaðamann að svona hefði ég gengið frá gólfinu.

9. Rifu á glugga hafði ég ekki hugmynd um og væri löngu búinn að laga með einföldum hætti. Þarna hefur glerlisti utan á glugganum skemmst og rúðan sigið niður.

10. Ekki nokkur eldhætta útaf rafmagni, væri svo væri ég löngu búinn að lagfæra það vegna eigin hagsmuna

11. Þarna bjó faðir minn um tíma, sem fyrr segir, en starfaði í amk þrjá áratugi með þekkta lögmannsstofu og var með heilsuhraustari mönnum á landsvísu. Íbúðin var þá í ennþá ófullkomnara ástandi en nú með upprunalega eldhúsinnréttingu og gamla en góða Rafha eldavél.

12. Endurbætur frá sl. hausti eru að öll gólf slípuð upp rétt áður en hún flutti inn en S hafnaði að láta lakka þau hraðinn var svo mikill að komast í húsnæði.

13. Amk þrír leigusalar í Hveragerði hafa sömu sögu og ég og þurftu að koma henni burt sökum sóðaskapar

14. Meint húsbrot.

Rétt er að ég hef opnað dyr einu sinni á Austurgötu 10. Keyrði þangað til að athuga hvernig S hefði það en hún var búin að vera mjög veik í langan tíma. Bíllinn hennar var fyrir utan og ég taldi því víst að hún væri heima og kæmi til dyra. Eftir að hafa hringt dyrabjöllu nokkrum sinnum án þess að hún kæmi til dyra né svaraði S síma tók ég þá ákvörðun að athuga hvort allt væri í lagi með hana. Það sinnir engin eftirliti með henni og mér er ekki kunnugt um að hún sé með öryggishnapp þrátt fyrir að vera sjúklingur. Í dyragættinni kallað ég nafn hennar þrisvar án viðbragða og mjög hátt í síðasta skiptið.

Þá gekk ég inn í stofu, sé þar Ragnar Hermannsson steinsofandi og ekki nokkur möguleiki á að vekja hann. Ragnar er landsþekktur fyrir baráttu sína fyrir heimilislausa karlmenn í Reykjavík. - Ég dró þá ályktun að það væri í lagi með Sigurbjörgu fyrst hann var þarna og gekk út. - Þetta tilkynnti ég henni degi síðar og var hún mjög undrandi að hafa ekki vaknað og þakkaði mér að sama skapi fyrir umhyggjuna. Sagði að þau hefðu bæði tekið svefntöflur. - Ég veit satt best að segja ekki hvaða ályktun á að draga að ekki sé hægt að vekja fólk sem sefur klukkan 18.00. Fólk sem hefur engin sérstök viðfangsefni allan daginn en sjónvarpsáhorf. En Ragnar andaði a.m.k. og því var ei ástæða til að hringja í 112.

15. Eldavél - Sigurbjörg samþykkti þessa Rafhan eldavél sem ég fékk í gegnum auglýsingu á samfélagsmiðli hvar tiltekið var að hún væri í góðu lagi. Tók inn til að halda í upprunaleika eldhússins. Ég yfirfór vélina og hún er fínu ástandi. S hreinsaði hana en stuttu seinna snérist henni hugur og henti henni út, af hræðslu við að frá henni stafaði eldhætta. Hefði aldrei samþykkt hana sjálfur hefði ég talið stafa frá henni eldhættu. Aukinheldur rétti ég henni eldvarnarteppi til að hafa hjá eldavélinni, í versta falli.

16. Blm. hefur eftir henni að ég hafi sagt við hana: „Þú ert bara tuðari og vitleysingur og kelling. Það sé eitthvað að þér".

Svar: hef gengið á eftir henni í tölvupósti um upplýsingar hvar þetta sé að finna, hún ei svarað ennþá enda finnur hún þetta hvergi. Hef sagt við hana einu sinni í samskiptum á facebook að ég sé að verða þreyttur á þessu tuði. Þrátt fyrir ítrekun um að S sýni mér að ég hafi uppnefnt hana svarar hún því nú til að hún sé hætt samskiptum við mig. Ég er að eðlisfari mjög háttvís maður og þetta stenst því engan vegin.

17. S lokaði fyrir mig á facebook eftir að ég komst að því að hún hafi framið húsbrot, sem er hegningalagabrot, með því að taka ljósmynd og birt af rafmagnstöflunni á A10b og skrifar texta sem hún tengir svo við A10

Þá ljósmynd birt ég í kjölfarið í svari við innleggi fréttar Jakobs fréttina Árni Stefán fær 400. þús. króna styrk. Það hefur hún séð, fengið slæma samvisku og blokkað mig.

18. Bauð henni í fyrradag að ganga frá eldhúsi í gær laugardag og flísaleggja baðherbergi í næstu viku. - Samþykkti hún það í fyrstu en síðan virðist hún hafa lesið innlegg mitt við frétt Jakobs Bjarnars, Árni Stefán fær 400. þús. þar sem ég held því fram og rökstyð að hún hafi blekkt blm. visir.is Krafðist hún lista um blekkingar, sem ég hafnaði og í kjölfarið afþakkar hún frágang á eldhúsi og baðherbergi.

19. Þvottahús. Gerði mér far um að ná í nýja þvottavél sem S hafði keypt. Tengdi hana og gerðu brúkæfa. Allt drasl í þvottahúsinu er eftir S sjálfa og lýsir miklum sóðaskap eins og í baðherbergi.

20. Samkomulagsbrot S

8. mars. sl. komumst við að samkomulagi um og heimildir eru til um að við myndum þá komandi helgi skrifa undir leigusamning í tvíriti með ákvæðum um skyldur mínar til fullnustu fyrir 1. apríl og að S fengi skv. honum 12. mánaða leigutíma. Í þessu skriflega samkomulagi fólst að ég kæmi þá helgi þ.e. í síðasta lagi sunnudaginn 10. mars með þennan samning til undirritunar. Laugardaginn 9. mars á hádegi hringi hún í mig og spyr mig af hverju ég sé ekki komin. Ég svaraði henni að við hefðum komist að samkomulagi með 10. mars í síðasta lagi. Tilsvör hennar voru að ekkert væri að marka mig og svo fór sem fór, málið fór í blaðamann visir.is

Náungakærleikur langt umfram skyldur leigusala

Ég er alinn upp við kristin gildi og komin af mjög kristnum foreldrum. Samkvæmt þeim gildum og frá því í desember hef ég komið fram við S í samræmi við kristnu sannfæringu mína, gert mér far um að aðstoða hana í hvívetna langt umfram það sem húsaleigulög skylda mig til.

Ég hef hengt upp fyrir hana gardínur, hengt upp og tengt ljós í stofum, gefið henni föt frá móður minni heitinni, ekið henni þegar hún var fárveik í baki á apótek, til Reykjavíkur að ná í þvottavél og farið oft fyrir hana í ÁTVR, keypt handa henni tóbak, stokkið til þegar öryggi hafa farið, endurtengt tengla fyrir hana sem hún var búinn að víra rangt, alltaf svarað í síma vegna erinda, ég hef boðið henni til mín á jólum og gamlárskveld, sem hún sá sér ekki fært að þiggja vegna orkuskorts/veikinda.

Ég hef gengið svo langt, sem að framan segir og hún kallar húsbrot, að ganga inn til hennar þegar ég óttaðist um líf hennar. Ég hef oft setið við stofuborð hennar, sem hlustandi, þegar hún hafði þörf fyrir að tala um fortíð sína, sem hefur einkennst af miklum áföllum, svo miklum að útilokað er annað en að hún sé mjög særð kona og brotin.

Vinir mínir úr flugheiminum hafa haft samband við mig og muna vel að ég hafi ætíð tala mjög vel um S en ég er í framkvæmdum á Austurgötu 10B við uppsetningu á Airbus A320 flughermi og lögfræðistofu.

S er einstæðingur, öryrki og á köflum mikill bakveikis og þunglyndissjúklingur, sem hún fer ekki leynt með en virðist engan eiga að, það var viðmið mitt í allri minni framkomu við hana og tilraunum til umhyggju.

Sigurbjörg Hlöðversdóttir þarf sáttasemjara

Ég er búinn að gera fjöl margar tilraunir til að tryggja Sigurbjörgu búsetu á núverandi stað, hef haft fulla samúð með henni og eytt ófáum klst í tilgangslaus samskipti við hana því ég taldi mér trú um að við gætum náð sáttum. Það virðist borin von. Jafnharðan og hún felst á eitthvað skiptir hún um skoðun skömmu seinna. Tölvupóstsamskipti okkar hér að framan eru dæmi um það. Ég hreinlega botna ekkert í því að hún geti ekki haldið jafnvægi og látið hluti ganga eftir eins og um er samið. Þess vegna þarf S að mínu mati aðstoð til að komast á lygnan sjó, öðlast lífsgæði á ný og ganga sátt inn í sumarið í öruggu húsaskjóli.

Leigusalar og leigutakar séu á rauðu ljósi

Það er skylda mín sem leigusala að sýna þá samfélagslegu ábyrgð að benda leigusölum á vanda til vals á leigutökum í því skyni að greiða götur þeirra, sem sannarlega þurfa á leiguhúsnæði að halda og samvinna sé án vandkvæða. Það sama á við um leigutaka, þeir sýni þá samfélagslegu ábyrgð að vekja athygli á leigusölum sem sannarlega standa ekki undir nafni sem slíkir.

Blaðamenn ei öfundsverðir og jafnvel blekktir

Í liðinni viku voru tvær fréttir, sem tengja má við að reynt hafi verið að blekkja blaðamenn. Fréttin um Austurgötu 10 og Base parking fréttin. Ég hef eftir öruggum heimildum úr kjarnastarfsemi á Keflavíkurflugvelli að Base parking aðilar hafi reynt að beita fréttamenn visir.is blekkingum. Það er dapurt þegar fjórða valdið verður fyrir slíku og lesendur stærsta og mest lesna miðils landsins geta ekki treyst því að það sem fram kemur í fréttum sé rétt. - Þess vegna er vönduð rannsóknarblaðamennska líklega aldrei mikilvægari en nú.

Að lokum og til nettrölla kommentakerfa, sem er ofboðið

,,Hafnarfjarðarhreysið" er nýjasta húsnefningaframleiðsla íslenskra nettrölla. Fréttin Ég er skíthrædd hérna vakti gríðarlega en óverðskuldaða athygli enda hefur fjöldi manns haft samband við mig og sagt mér að taka þetta ekki nærri mér en bregðast við af sanngirni, agað og af heiðarleika. Engu að síður nærði fréttin þarfir margra, sem fylltust samúð yfir öryrkja leikriti sem leigjandi sett að miklu leyti á svið.

Í bókinni Bær í byrjun aldar (1970) fjallar útgefandinn Magnús Jónsson fyrrv. safnvörður Byggðasafns Hafnarfjarðar um 135 hús, sem nefnd höfðu verið þá er hin merka bók kom út. Þar má finna hús sem nefnt hefur verið Kofinn. Höfundur segir í bók sinni: Upp með Kolfinnubæ að austan var gangstígur að híbýlum sem ekki höfðu virðulegra heiti en Kofinn.

Væri Magnús verið á lífi, en hann var gamansamur maður, hefði hann nú fengið en eitt heitið í hendurna fyrir næstu útgáfu Bæjar í byrjun aldar, nefnilega Hafnarfjarðarhreysið, sameiginlega ákvörðun að því er virðist hundruða lesenda visir.is þannig að hjá því hefði ekki verið komist af hinum samviskusama Magnúsi, vini mínum, að hlýða kalli lýðræðis í netheima.

Eitt stærsta einkenni siðblindu er þegar einstaklingi tekst að gera sig svo trúverðugan að honum tekst að blekkja annan í þágu eigin hagsmuna og/eða til að klekkja á öðrum aðila.

Ég tel að S hafi tekist hvorttveggja en tel hana alls ekki siðblinda. Hún er engu að síður sjúklingur enda kynnir hún sig sem öryrkja, sem ég tel að þurfi aðhlynningu á þágu betri líðan. Að blekkja blaðamenn í góðri trú, meiða æru mína og foreldra minna með þeim hætti sem hún gerði kallaði á að brýnt var að andmæla henni með rökstuðningi.

Mín skoðun er sú að háttalag sitt hafi hún hreinlega ekki ráðið við og er það afsakanlegt en hef ég tjáð henni, síðast í fyrradag: gröfum hið liðna og hjálpumst að svo þú getir gengið glöð inn í komandi sumar. S má ekki lokast inni í heimi þráhyggju um að vera sé af ásetningi að vega að henni af mér. Þar finnst mér hún óneitanlega innilokuð núna og þarf hjálp út. Hún vaktar alla sem hún þekkir og á samskipti við með þeim hætti að hugsa: er fólkið að fara að gera mér eitthvað, svo vel þekki ég hana í dag.

Hafnarfirði 17. mars 2024

Árni Stefán Árnason