Lof og last: Breytingar á kerfinu Alma Ýr Ingólfsdóttir skrifar 8. mars 2024 11:31 Ný frumvarpsdrög félags- og vinnumarkaðsráðherra um endurskoðun örorkulífeyriskerfisins stuðla heilt yfir að jákvæðum breytingum. Þetta er mat ÖBÍ réttindasamtaka. Svo fátt eitt sé nefnt er gleðiefni að barnalífeyrir verði greiddur með hlutaörorkulífeyri, að samvinna þjónustukerfa verði aukin, heimilt verði að greiða sjúkra- og endurhæfingargreiðslur þegar fólk bíður eftir að meðferð eða endurhæfing hefjist og að tekin verði út 65% tekjuskerðing og skerðing frá fyrstu krónu með sameiningu framfærsluuppbótar og annarra greiðsluflokka. Það er þó ekki þar með sagt að tillögurnar séu gallalausar eða að frumvarpið leysi að fullu þann mikla tekjuvanda og úrræðaleysi sem fatlað fólk þarf að takast á við. Sömuleiðis er augljóst að endurskoðun kerfisins getur vakið upp ótta. Reynsla lífeyristaka af núverandi kerfi er ekki til þess fallin að auka trú á aðgerðum stjórnvalda í málaflokknum og það er erfitt að spegla sig í kerfi sem ekki er enn orðið til. Hvað varðar einföldun greiðslukerfisins, gagnsæi og stuðning við fólk sem vegna veikinda, áfalla, slysa eða annarrar fötlunar þurfa að hafa skjól í almannatryggingakerfinu, telja ÖBÍ réttindasamtök frumvarpsdrögin stuðla að jákvæðum breytingum. Þau sem verst standa Eins og kemur fram í umsögn ÖBÍ er frumvarpið starfsgetumiðað. Rík ástæða hefði verið til að fjalla nánar í frumvarpsdrögunum um þann hóp sem falla mun undir örorku í nýju kerfi. Þá sérstaklega um hvernig á að bæta kjör lífeyristaka, sem hafa engan veginn haldið í við mikla verðbólgu. Einnig eru gerðar athugasemdir við þær fyrirætlanir að lækka fjárhæðir tveggja greiðsluflokka, heimilisuppbótar og aldursviðbótar og að ekki eigi að greiða aldursviðbót samhliða sjúkra- og endurhæfingargreiðslum. Varða, rannsóknasetur vinnumarkaðarins, vann skýrslu fyrir ÖBÍ á síðasta ári um kjör lífeyristaka. Þar má sjá að staða öryrkja á Íslandi er afar slæm enda býr stór hluti einfaldlega við fátækt. Verst standa einstæðir foreldrar, á öllum mælikvörðum. Hverju breytir hið væntanlega kerfi um örorkugreiðslur? Ef við tökum dæmi um einstakling sem fékk fyrst örorkumat 45 ára, er með heimilisuppbót og verður í nýju kerfi áfram metinn með fulla örorku, þá hækka örorkugreiðslurnar um 803 kr. á mánuði. Fólk sem er með lægstar greiðslur og getur ekki unnið fyrir teljandi upphæðum er í raun fast á sama stað. Að sama skapi benda ÖBÍ réttindasamtök á það að frumvarpsdrögin gefa ekki til kynna að úttekt hafi verið gerð á því hvernig þau sem njóta réttinda í núverandi kerfi falli innan nýs kerfis. Það er óljóst hvort 0-25% geta á vinnumarkaði muni í raun svara 75% læknisfræðilegri örorku. Það er óljóst hvort hópur sem metinn er með 50-74% örorku muni vera metinn með 25-50% getu til virkni á vinnumarkaði. Þetta þarf að skýra. Ísland hefur fullgilt samning Sameinuðu þjóðanna um réttindi fatlaðs fólks, þótt við bíðum enn eftir lögfestingu hans. Í samningnum er meðal annars kveðið á um bann við mismunun og um að fatlað fólk skuli njóta viðunandi lífsskilyrða. Sömuleiðis um að réttur fatlaðs fólks til vinnu sé viðurkenndur og virtur. Ef félags- og vinnumarkaðsráðuneytið og ríkisstjórnin öll ætla að ná markmiði sínu með bæði frumvarpinu, og markmiði í stjórnarsáttmála um að bæta kjör fatlaðs fólks, eiga að ná fram að ganga þurfa frumvarpsdrögin að endurspegla ákvæði samningsins mun betur. Starfsgeta og sérfræðimat Í stað örorkumats á að koma svonefnt samþætt sérfræðimat. Þetta er ein stærsta breytingin sem endurskoðunin á að koma á. Þetta á, samkvæmt frumvarpsdrögunum, að vera staðlað mat á getu fólks til virkni á vinnumarkaði og á það að byggja á alþjóðlegu flokkunarkerfi um færni, fötlun og heilsu. Niðurstaða matsins á að segja til um hver geta fólks er til virkni á vinnumarkaði. Það er miður að ÖBÍ hafi hvorki séð drögin að samþætta sérfræðimatinu né fái að taka þátt í undirbúningsvinnu. Við köllum eftir bæði samvinnu og samtali um þá vinnu og teljum nauðsynlegt að útfærsla matsins liggi fyrir ef og þegar frumvarpið verður lagt fyrir Alþingi. Úrræðaleysi og litlir möguleikar Til þess að breytingar á örorkulífeyriskerfinu beri árangur þurfa stjórnvöld að bregðast við því úrræðaleysi sem ríkir sem og miklum skorti á möguleikum fyrir fatlað fólk á vinnumarkaði. Ekki er fjallað um það í frumvarpsdrögunum hvaða aðgerða skuli grípa til svo tryggt sé að til staðar séu endurhæfingarúrræði. Í dag er biðin eftir endurhæfingu mjög löng víðs vegar um landið. Jafnræði á milli landsbyggðar og höfuðborgarsvæðis er lítið. En segjum sem svo að endurhæfing gangi vel og/eða einstaklingur sé reiðubúinn til virkni á vinnumarkaði með einum eða öðrum hætti. Hvað tekur þá við? Möguleikar fatlaðs fólks a vinnumarkaði eru afar takmarkaðir. Viðeigandi aðlögun (nauðsynlegar breytingar og lagfæringar til að tryggja að fatlað fólk fái notið mannréttinda til jafns við aðra) er víða ekki tryggð á vinnustöðum og fordómar mæta fötluðu fólki víða sömuleiðis. Ófullnægjandi frestur Frumvarpsdrögin eru afar umfangsmikil og því er miður að tíminn sem gefinn var til umsagnar hafi verið of skammur til að hægt hafi verið að bregðast við öllum atriðum draganna á þessu stigi. Ýmis atriði sem tókst ekki að taka með í umsögn ÖBÍ réttindasamtaka um drögin bíða því þar til frumvarpið hefur verið lagt fyrir þingið en það hefði verið gott að hafa svigrúm til að bregðast við drögunum að öllu leyti á þessu stigi málsins. Framhaldið Við hjá ÖBÍ réttindasamtökum erum meira en tilbúin til að fylgja umsögn okkar eftir. Við óskum eftir að eiga uppbyggilegt samtal við stjórnvöld og aðra hagaðila um frekari úrvinnslu frumvarpsins. Það er gríðarlega mikilvægt að stjórnvöld geri það sem þarf til að tryggja að þau sem reiða sig á almannatryggingakerfið fái lifað mannsæmandi lífi og með reisn. Til þess að svo verði þurfa breytingar á kerfinu bæði að auka möguleika fatlaðs fólks til vinnu og að tryggja mannsæmandi kjör fyrir þau sem ekki geta unnið. Höfundur er formaður ÖBÍ réttindasamtaka. Viltu birta grein á Vísi? Sendu okkur póst. Senda grein Alma Ýr Ingólfsdóttir Málefni fatlaðs fólks Félagsmál Mest lesið Konur á örorku Sigríður Ingibjörg Ingadóttir,Steinunn Bragadóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ekki sama hvaðan gott kemur Magnea Gná Jóhannsdóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Drambið okkar Júlíus Valsson Skoðun Skoðun Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Sjá meira
Ný frumvarpsdrög félags- og vinnumarkaðsráðherra um endurskoðun örorkulífeyriskerfisins stuðla heilt yfir að jákvæðum breytingum. Þetta er mat ÖBÍ réttindasamtaka. Svo fátt eitt sé nefnt er gleðiefni að barnalífeyrir verði greiddur með hlutaörorkulífeyri, að samvinna þjónustukerfa verði aukin, heimilt verði að greiða sjúkra- og endurhæfingargreiðslur þegar fólk bíður eftir að meðferð eða endurhæfing hefjist og að tekin verði út 65% tekjuskerðing og skerðing frá fyrstu krónu með sameiningu framfærsluuppbótar og annarra greiðsluflokka. Það er þó ekki þar með sagt að tillögurnar séu gallalausar eða að frumvarpið leysi að fullu þann mikla tekjuvanda og úrræðaleysi sem fatlað fólk þarf að takast á við. Sömuleiðis er augljóst að endurskoðun kerfisins getur vakið upp ótta. Reynsla lífeyristaka af núverandi kerfi er ekki til þess fallin að auka trú á aðgerðum stjórnvalda í málaflokknum og það er erfitt að spegla sig í kerfi sem ekki er enn orðið til. Hvað varðar einföldun greiðslukerfisins, gagnsæi og stuðning við fólk sem vegna veikinda, áfalla, slysa eða annarrar fötlunar þurfa að hafa skjól í almannatryggingakerfinu, telja ÖBÍ réttindasamtök frumvarpsdrögin stuðla að jákvæðum breytingum. Þau sem verst standa Eins og kemur fram í umsögn ÖBÍ er frumvarpið starfsgetumiðað. Rík ástæða hefði verið til að fjalla nánar í frumvarpsdrögunum um þann hóp sem falla mun undir örorku í nýju kerfi. Þá sérstaklega um hvernig á að bæta kjör lífeyristaka, sem hafa engan veginn haldið í við mikla verðbólgu. Einnig eru gerðar athugasemdir við þær fyrirætlanir að lækka fjárhæðir tveggja greiðsluflokka, heimilisuppbótar og aldursviðbótar og að ekki eigi að greiða aldursviðbót samhliða sjúkra- og endurhæfingargreiðslum. Varða, rannsóknasetur vinnumarkaðarins, vann skýrslu fyrir ÖBÍ á síðasta ári um kjör lífeyristaka. Þar má sjá að staða öryrkja á Íslandi er afar slæm enda býr stór hluti einfaldlega við fátækt. Verst standa einstæðir foreldrar, á öllum mælikvörðum. Hverju breytir hið væntanlega kerfi um örorkugreiðslur? Ef við tökum dæmi um einstakling sem fékk fyrst örorkumat 45 ára, er með heimilisuppbót og verður í nýju kerfi áfram metinn með fulla örorku, þá hækka örorkugreiðslurnar um 803 kr. á mánuði. Fólk sem er með lægstar greiðslur og getur ekki unnið fyrir teljandi upphæðum er í raun fast á sama stað. Að sama skapi benda ÖBÍ réttindasamtök á það að frumvarpsdrögin gefa ekki til kynna að úttekt hafi verið gerð á því hvernig þau sem njóta réttinda í núverandi kerfi falli innan nýs kerfis. Það er óljóst hvort 0-25% geta á vinnumarkaði muni í raun svara 75% læknisfræðilegri örorku. Það er óljóst hvort hópur sem metinn er með 50-74% örorku muni vera metinn með 25-50% getu til virkni á vinnumarkaði. Þetta þarf að skýra. Ísland hefur fullgilt samning Sameinuðu þjóðanna um réttindi fatlaðs fólks, þótt við bíðum enn eftir lögfestingu hans. Í samningnum er meðal annars kveðið á um bann við mismunun og um að fatlað fólk skuli njóta viðunandi lífsskilyrða. Sömuleiðis um að réttur fatlaðs fólks til vinnu sé viðurkenndur og virtur. Ef félags- og vinnumarkaðsráðuneytið og ríkisstjórnin öll ætla að ná markmiði sínu með bæði frumvarpinu, og markmiði í stjórnarsáttmála um að bæta kjör fatlaðs fólks, eiga að ná fram að ganga þurfa frumvarpsdrögin að endurspegla ákvæði samningsins mun betur. Starfsgeta og sérfræðimat Í stað örorkumats á að koma svonefnt samþætt sérfræðimat. Þetta er ein stærsta breytingin sem endurskoðunin á að koma á. Þetta á, samkvæmt frumvarpsdrögunum, að vera staðlað mat á getu fólks til virkni á vinnumarkaði og á það að byggja á alþjóðlegu flokkunarkerfi um færni, fötlun og heilsu. Niðurstaða matsins á að segja til um hver geta fólks er til virkni á vinnumarkaði. Það er miður að ÖBÍ hafi hvorki séð drögin að samþætta sérfræðimatinu né fái að taka þátt í undirbúningsvinnu. Við köllum eftir bæði samvinnu og samtali um þá vinnu og teljum nauðsynlegt að útfærsla matsins liggi fyrir ef og þegar frumvarpið verður lagt fyrir Alþingi. Úrræðaleysi og litlir möguleikar Til þess að breytingar á örorkulífeyriskerfinu beri árangur þurfa stjórnvöld að bregðast við því úrræðaleysi sem ríkir sem og miklum skorti á möguleikum fyrir fatlað fólk á vinnumarkaði. Ekki er fjallað um það í frumvarpsdrögunum hvaða aðgerða skuli grípa til svo tryggt sé að til staðar séu endurhæfingarúrræði. Í dag er biðin eftir endurhæfingu mjög löng víðs vegar um landið. Jafnræði á milli landsbyggðar og höfuðborgarsvæðis er lítið. En segjum sem svo að endurhæfing gangi vel og/eða einstaklingur sé reiðubúinn til virkni á vinnumarkaði með einum eða öðrum hætti. Hvað tekur þá við? Möguleikar fatlaðs fólks a vinnumarkaði eru afar takmarkaðir. Viðeigandi aðlögun (nauðsynlegar breytingar og lagfæringar til að tryggja að fatlað fólk fái notið mannréttinda til jafns við aðra) er víða ekki tryggð á vinnustöðum og fordómar mæta fötluðu fólki víða sömuleiðis. Ófullnægjandi frestur Frumvarpsdrögin eru afar umfangsmikil og því er miður að tíminn sem gefinn var til umsagnar hafi verið of skammur til að hægt hafi verið að bregðast við öllum atriðum draganna á þessu stigi. Ýmis atriði sem tókst ekki að taka með í umsögn ÖBÍ réttindasamtaka um drögin bíða því þar til frumvarpið hefur verið lagt fyrir þingið en það hefði verið gott að hafa svigrúm til að bregðast við drögunum að öllu leyti á þessu stigi málsins. Framhaldið Við hjá ÖBÍ réttindasamtökum erum meira en tilbúin til að fylgja umsögn okkar eftir. Við óskum eftir að eiga uppbyggilegt samtal við stjórnvöld og aðra hagaðila um frekari úrvinnslu frumvarpsins. Það er gríðarlega mikilvægt að stjórnvöld geri það sem þarf til að tryggja að þau sem reiða sig á almannatryggingakerfið fái lifað mannsæmandi lífi og með reisn. Til þess að svo verði þurfa breytingar á kerfinu bæði að auka möguleika fatlaðs fólks til vinnu og að tryggja mannsæmandi kjör fyrir þau sem ekki geta unnið. Höfundur er formaður ÖBÍ réttindasamtaka.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun