Grótta ekki í vand­ræðum með Víking

Heimamenn voru alltaf skrefinu á undan í kvöld, leiddu með þremur mörkum í hálfleik og gengu svo einfaldlega frá gestunum í þeim síðari.

Jakob Ingi Stefánsson var markahæstur í liði Gróttu með 5 mörk. Þeir Jón Ómar Gíslason og Ágúst Emil Grétarsson skoruðu 4 mörk hver. Í markinu varði Einar Baldvin Baldvinsson 11 skot og Hannes Pétur Hauksson tvö, af þeim þremur sem hann fékk á sig. Jóhann Reynir Gunnlaugsson var markahæstur hjá Víkingum með 5 mörk.

Grótta er áfram í 8. sæti, nú með 13 stig að loknum 17 leikjum. Víkingum er í 11. sæti með 8 stig, einu frá öruggu sæti.