Eld­gosið hefur ekki á­hrif á flug Icelandair

Þetta kemur fram í tilkynningu frá Icelandair. Þar segir að Icelandair fylgist náið með stöðu mála og muni upplýsa farþega ef einhverjar breytingar verða.

Áður hefur verið greint frá því að starfsemi Keflavíkurflugvelli sé eðlileg að svo stöddu.

„Öryggi farþega og starfsfólks okkar er ávallt í fyrsta sæti og allar ákvarðanir verða teknar með það að leiðarljósi. Við fylgjumst náið með stöðu mála og upplýsum farþega okkar tímanlega ef einhverjar breytingar verða á flugáætlun vegna eldgossins.

Frekari upplýsingar um eldgosið er að finna á upplýsingavef Almannavarna,“ segir á vef Icelandair.

Greint var frá því í gærkvöldi að flugumferðarstjórar hefðu í ljóst eldgoss ákveðið að aflýsa fyrirhugaðri vinnustöðvun, fjórðu lotu aðgerða sinna, sem átti að hefjast klukkan fjögur á miðvikudagsmorgni og standa til klukkan tíu. Kjaradeilan er þó enn óleyst.