Enn óvissa um Arnar: Efast um að sterkari hópur hafi verið til á Íslandi Sindri Sverrisson skrifar 18. desember 2023 14:33 Arnar Gunnlaugsson í Víkinni í dag. Óvissa ríkir um framtíð hans hjá Víkingum. vísir/Sigurjón Arnar Gunnlaugsson, þjálfari tvöfaldra meistara Víkings í fótbolta karla, segir enn óljóst hvort að af því verði að hann taki við sænska knattspyrnuliðinu Norrköping. Nýju leikmennirnir sem hann kynnti stoltur í Víkinni í dag segja stöðuna ekki trufla sig. Arnar segir fundi sína með forráðamönnum Norrköping hafa verið ánægjulega en einnig áskorun. Ætla má að það styttist mjög í ákvörðun hjá félaginu og að minnsta kosti ljóst að Arnar virðist koma sterklega til greina, en Svíarnir hafa þó enn ekki hafið viðræður við Víkinga um hvað það kæmi til með að kosta að fá Arnar sem enn á tvö ár eftir af samningi við félagið. Víkingar kynntu til leiks þrjá nýja leikmenn í dag, þá Jón Guðna Fjóluson, Valdimar Þór Ingimundarson og Pálma Rafn Arinbjörnsson, og Vísir spurði Arnar einfaldlega hvort að hann yrði þjálfari þeirra: „Eins og staðan er í dag já. Ég á tvö ár eftir hjá Víkingunum. Ég er búinn að taka þátt í ákveðnu ferli hjá Norrköping sem hefur verið mikill heiður og mikil reynsla, en ef að þeir svo velja mig þá þurfa þeir bara að tala við Víkingana og sjá hvað verður. Ég er mjög hamingjusamur hérna og á tvö ár eftir af samningnum hérna, og á meðan svo er þá er ég þjálfari Víkings.“ Nýju mennirnir láta óvissuna ekki trufla sig Arnar hrósaði nýju leikmönnunum í hástert og þó að hrifningin sé gagnkvæm þá vildu þeir ekki meina að það væri úrslitaatriði hvort að Arnar yrði áfram þjálfari Víkinga. „Það eru blendnar tilfinningar varðandi þetta. Auðvitað vill maður að hann verði hérna áfram en maður vill líka að íslenskum þjálfurum gangi vel og þeir fái tækifæri til að fara erlendis. En þetta var ekki eitthvað „make or break“ fyrir mig,“ sagði Jón Guðni við Vísi í dag. „Ég myndi ekki segja að þetta hafi truflað en maður velti þessu svo sem fyrir sér,“ sagði Valdimar. Náð vel saman við forráðamenn sænska félagsins Arnar samsinnir því að fundirnir með forráðamönnum Norrköping hafi gengið vel. „Maður finnur að það er gott „chemistry“ þarna á milli. Ég hef talað við stjórnarmenn þarna og yfirmann knattspyrnumála, fjórir fundir, og þetta hefur verið virkilega mikil áskorun. Það hafa fáar spurningar verið um fótbolta. Þetta hefur mikið snúist um leiðtogahæfileika, samskipti við fólk og þess háttar. Þetta hefur verið mikil reynsla. Mér finnst hafa verið gott „chemistry“ á þessum fundum og svo þurfum við að sjá til hvað gerist,“ segir Arnar. Fari svo að hann yfirgefi Víkinga þá sé félagið áfram í góðum málum: „Ef eitthvað gerist þá er mjög góður strúktúr í þessum klúbbi [Víkingi], mjög gott „chemistry“ á milli stjórnarmanna og þeirra sem taka við. Leikmannahópurinn er… það er búið að vera geggjað að horfa á þessa þætti um Skagann og frábæran leikmannahóp þar, en ég efast um að jafnsterkum leikmannahópi hafi verið safnað saman hjá íslensku félagsliði „ever“ eins og Víkingur er með í dag. Framtíðin er björt.“ Valdimar Þór Ingimundarson hefur lengi verið í sigti Arnars.vísir/Sigurjón „Alls ekki að koma heim til að deyja“ Nýju leikmennirnir sem Arnar kynnti til leiks virðast fyrir fram gera Íslands- og bikarmeistarana að enn betra fótboltaliði, jafnvel eftir yfirburðina sem liðið hafði á síðasta tímabili. „Jón Guðni er búinn að vera frábær atvinnumaður í nokkuð mörg ár. Það er gaman frá því að segja að þegar ég endaði minn feril hjá Fram þá var hann að koma fram sem ungur og góður leikmaður. Við áttum gott ár saman þar. Núna er hann að koma heim, búinn að vera töluvert meiddur síðustu tvö ár, en maður heyrir að hann er mjög hungraður og alls ekki að koma heim til að deyja. Ég held að hann finni fyrir metnaðinum hjá klúbbnum og vilji taka þátt í þessu ævintýri,“ segir Arnar en viðtalið við hann má sjá hér að neðan. Klippa: Arnar Gunnlaugs um nýja þríeykið „Hentar okkur gríðarlega vel“ „Valdimar er prófíll sem hentar okkur gríðarlega vel. Öðruvísi framherji en þeir sem við höfðum fyrir. Við reyndum mikið að fá hann eftir tímabilið í Fylki en augljóslega valdi hann að fara erlendis. Nú erum við hérna, 3-4 árum síðar, og loksins búnir að klófesta hann. Við væntum mikils af honum. Hann er að koma í frábæran klúbb og eins og með alla strákana sem hafa komið hingað erlendis frá þá virka þeir svo vel stemmdir fyrir því. Valdimar er ekki einu sinni kominn á besta aldur. Aron [Elís Þrándarson] valdi í sumar að koma til okkar í staðinn fyrir að vera áfram í atvinnumennsku. Þetta sýnir hvað við erum komnir langt og að íslenskur fótbolti er á góðri leið. Hann vill taka þátt í spennandi verkefni með okkur. Við höfum svo fylgst lengi með Pálma. Það var mjög sorglegt að missa Dodda [Þórð Ingason, markvörð] en þvílíkur þjónn sem hann hefur verið fyrir félagið og mig. Pálmi er ekki að koma hingað til að vera einhver varaskeifa, alvöru „keeper“ sem hefur lært sitt fag hjá ensku úrvalsdeildarfélagi. Hann ætlar að berjast við Ingvar um markmannsstöðuna og þannig viljum við hafa þetta. Samkeppni í öllum stöðum. Ég vænti mikils af honum eins og þeim öllum þremur.“ Besta deild karla Víkingur Reykjavík Sænski boltinn Mest lesið Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Sögðu danskri landsliðskonu að fara heim að vaska upp Fótbolti Dæmdur 10-0 sigur og titillinn í höfn eftir mikið hneyksli Handbolti Sonur Bruno Fernandes mætti á æfingu hjá FH Enski boltinn Írskur smáklúbbur græðir meira en hálfan milljarð þökk sé Liverpool Enski boltinn Sjáðu Ronaldo skjóta Portúgal áfram í úrslitaleikinn Fótbolti Ástandið á Urriðavelli ekki gott og Íslandsmótið fært á Hlíðavöll Golf Gunnlaugur paraður með sænskri stelpu í Arnold Palmer bikarnum Golf Leikur Íslands og Brasilíu ekki í beinni á Stöð 2 Sport Fótbolti „Reynt að halda væntingum niðri og ég spyr mig af hverju?“ Fótbolti Fleiri fréttir Leiknir byrjar vel undir stjórn Gústa Gylfa og ÍR-ingar á toppinn Andri Már fékk tískuráð á stórleiknum á Kópavogsvelli Völdu þann leikmann í Bestu deildinni sem er líkastur þeim sjálfum Ágúst Gylfason snýr aftur í boltann og tekur við Leikni „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Pétur Rúnar á bekknum hjá Stólunum í 3. deildinni Ummæli Davíðs Smára ekki á borði aganefndar Sýndu reiði Davíðs skilning en fannst hann fara yfir strikið „Okkar markmið hefur alltaf verið að vera í toppbaráttunni“ Umfjöllun: Valur-Fram 2-1 | Níu stig í Valshúsi á níu dögum Sjáðu miðjumark Sverris, tvennu Tobiasar, rautt á Alex og Atla stela sigri Dagskráin í dag: Litrík umferð gerð upp í Stúkunni „Þetta mark átti ekki að telja“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Ósáttur Davíð Smári: Einn maður sem eyðileggur leikinn Uppgjörið: KR - Vestri 2-1 | Atlarnir stálu sigrinum af Vestra „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ Stúkan: „Bera virðingu fyrir leiknum og andstæðingnum“ Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Sjá meira
Arnar segir fundi sína með forráðamönnum Norrköping hafa verið ánægjulega en einnig áskorun. Ætla má að það styttist mjög í ákvörðun hjá félaginu og að minnsta kosti ljóst að Arnar virðist koma sterklega til greina, en Svíarnir hafa þó enn ekki hafið viðræður við Víkinga um hvað það kæmi til með að kosta að fá Arnar sem enn á tvö ár eftir af samningi við félagið. Víkingar kynntu til leiks þrjá nýja leikmenn í dag, þá Jón Guðna Fjóluson, Valdimar Þór Ingimundarson og Pálma Rafn Arinbjörnsson, og Vísir spurði Arnar einfaldlega hvort að hann yrði þjálfari þeirra: „Eins og staðan er í dag já. Ég á tvö ár eftir hjá Víkingunum. Ég er búinn að taka þátt í ákveðnu ferli hjá Norrköping sem hefur verið mikill heiður og mikil reynsla, en ef að þeir svo velja mig þá þurfa þeir bara að tala við Víkingana og sjá hvað verður. Ég er mjög hamingjusamur hérna og á tvö ár eftir af samningnum hérna, og á meðan svo er þá er ég þjálfari Víkings.“ Nýju mennirnir láta óvissuna ekki trufla sig Arnar hrósaði nýju leikmönnunum í hástert og þó að hrifningin sé gagnkvæm þá vildu þeir ekki meina að það væri úrslitaatriði hvort að Arnar yrði áfram þjálfari Víkinga. „Það eru blendnar tilfinningar varðandi þetta. Auðvitað vill maður að hann verði hérna áfram en maður vill líka að íslenskum þjálfurum gangi vel og þeir fái tækifæri til að fara erlendis. En þetta var ekki eitthvað „make or break“ fyrir mig,“ sagði Jón Guðni við Vísi í dag. „Ég myndi ekki segja að þetta hafi truflað en maður velti þessu svo sem fyrir sér,“ sagði Valdimar. Náð vel saman við forráðamenn sænska félagsins Arnar samsinnir því að fundirnir með forráðamönnum Norrköping hafi gengið vel. „Maður finnur að það er gott „chemistry“ þarna á milli. Ég hef talað við stjórnarmenn þarna og yfirmann knattspyrnumála, fjórir fundir, og þetta hefur verið virkilega mikil áskorun. Það hafa fáar spurningar verið um fótbolta. Þetta hefur mikið snúist um leiðtogahæfileika, samskipti við fólk og þess háttar. Þetta hefur verið mikil reynsla. Mér finnst hafa verið gott „chemistry“ á þessum fundum og svo þurfum við að sjá til hvað gerist,“ segir Arnar. Fari svo að hann yfirgefi Víkinga þá sé félagið áfram í góðum málum: „Ef eitthvað gerist þá er mjög góður strúktúr í þessum klúbbi [Víkingi], mjög gott „chemistry“ á milli stjórnarmanna og þeirra sem taka við. Leikmannahópurinn er… það er búið að vera geggjað að horfa á þessa þætti um Skagann og frábæran leikmannahóp þar, en ég efast um að jafnsterkum leikmannahópi hafi verið safnað saman hjá íslensku félagsliði „ever“ eins og Víkingur er með í dag. Framtíðin er björt.“ Valdimar Þór Ingimundarson hefur lengi verið í sigti Arnars.vísir/Sigurjón „Alls ekki að koma heim til að deyja“ Nýju leikmennirnir sem Arnar kynnti til leiks virðast fyrir fram gera Íslands- og bikarmeistarana að enn betra fótboltaliði, jafnvel eftir yfirburðina sem liðið hafði á síðasta tímabili. „Jón Guðni er búinn að vera frábær atvinnumaður í nokkuð mörg ár. Það er gaman frá því að segja að þegar ég endaði minn feril hjá Fram þá var hann að koma fram sem ungur og góður leikmaður. Við áttum gott ár saman þar. Núna er hann að koma heim, búinn að vera töluvert meiddur síðustu tvö ár, en maður heyrir að hann er mjög hungraður og alls ekki að koma heim til að deyja. Ég held að hann finni fyrir metnaðinum hjá klúbbnum og vilji taka þátt í þessu ævintýri,“ segir Arnar en viðtalið við hann má sjá hér að neðan. Klippa: Arnar Gunnlaugs um nýja þríeykið „Hentar okkur gríðarlega vel“ „Valdimar er prófíll sem hentar okkur gríðarlega vel. Öðruvísi framherji en þeir sem við höfðum fyrir. Við reyndum mikið að fá hann eftir tímabilið í Fylki en augljóslega valdi hann að fara erlendis. Nú erum við hérna, 3-4 árum síðar, og loksins búnir að klófesta hann. Við væntum mikils af honum. Hann er að koma í frábæran klúbb og eins og með alla strákana sem hafa komið hingað erlendis frá þá virka þeir svo vel stemmdir fyrir því. Valdimar er ekki einu sinni kominn á besta aldur. Aron [Elís Þrándarson] valdi í sumar að koma til okkar í staðinn fyrir að vera áfram í atvinnumennsku. Þetta sýnir hvað við erum komnir langt og að íslenskur fótbolti er á góðri leið. Hann vill taka þátt í spennandi verkefni með okkur. Við höfum svo fylgst lengi með Pálma. Það var mjög sorglegt að missa Dodda [Þórð Ingason, markvörð] en þvílíkur þjónn sem hann hefur verið fyrir félagið og mig. Pálmi er ekki að koma hingað til að vera einhver varaskeifa, alvöru „keeper“ sem hefur lært sitt fag hjá ensku úrvalsdeildarfélagi. Hann ætlar að berjast við Ingvar um markmannsstöðuna og þannig viljum við hafa þetta. Samkeppni í öllum stöðum. Ég vænti mikils af honum eins og þeim öllum þremur.“
Besta deild karla Víkingur Reykjavík Sænski boltinn Mest lesið Reiddist Guðjóni og hætti í landsliðinu: „Þér er ekki fyrirgefið fyrir svona“ Fótbolti Sögðu danskri landsliðskonu að fara heim að vaska upp Fótbolti Dæmdur 10-0 sigur og titillinn í höfn eftir mikið hneyksli Handbolti Sonur Bruno Fernandes mætti á æfingu hjá FH Enski boltinn Írskur smáklúbbur græðir meira en hálfan milljarð þökk sé Liverpool Enski boltinn Sjáðu Ronaldo skjóta Portúgal áfram í úrslitaleikinn Fótbolti Ástandið á Urriðavelli ekki gott og Íslandsmótið fært á Hlíðavöll Golf Gunnlaugur paraður með sænskri stelpu í Arnold Palmer bikarnum Golf Leikur Íslands og Brasilíu ekki í beinni á Stöð 2 Sport Fótbolti „Reynt að halda væntingum niðri og ég spyr mig af hverju?“ Fótbolti Fleiri fréttir Leiknir byrjar vel undir stjórn Gústa Gylfa og ÍR-ingar á toppinn Andri Már fékk tískuráð á stórleiknum á Kópavogsvelli Völdu þann leikmann í Bestu deildinni sem er líkastur þeim sjálfum Ágúst Gylfason snýr aftur í boltann og tekur við Leikni „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Pétur Rúnar á bekknum hjá Stólunum í 3. deildinni Ummæli Davíðs Smára ekki á borði aganefndar Sýndu reiði Davíðs skilning en fannst hann fara yfir strikið „Okkar markmið hefur alltaf verið að vera í toppbaráttunni“ Umfjöllun: Valur-Fram 2-1 | Níu stig í Valshúsi á níu dögum Sjáðu miðjumark Sverris, tvennu Tobiasar, rautt á Alex og Atla stela sigri Dagskráin í dag: Litrík umferð gerð upp í Stúkunni „Þetta mark átti ekki að telja“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Óskar Hrafn: Sem betur fer hlusta stuðningsmenn KR ekki mikið á umræðuna Ósáttur Davíð Smári: Einn maður sem eyðileggur leikinn Uppgjörið: KR - Vestri 2-1 | Atlarnir stálu sigrinum af Vestra „Þyrfti að vera klúbbur í efri hillu í Skandinavíu eða eitthvað á meginlandinu“ „Ég held það vilji enginn upplifa svona aftur“ Stúkan: „Bera virðingu fyrir leiknum og andstæðingnum“ Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Sjá meira