Innlent

Ferða­menn fastir í Hólms­á

Viktor Örn Ásgeirsson skrifar
Aðgerðir á vettvangi gengu vel.
Aðgerðir á vettvangi gengu vel. Landsbjörg

Björgunarsveitir voru kallaðar út í gærkvöldi til að aðstoða ferðamenn sem festu jeppa í Hólmsá. Vel gekk að losa bílinn og var aðgerðum lokið rétt fyrir miðnætti.

Ferðamennirnir voru á vaði í ánni þegar jeppinn festist og voru björgunarsveitirnar Stjarnan og Lífgjöf kallaðar út. Þær komu að ferðamönnunum sitt hvoru megin árinnar, þar sem ekki var vitað hvort hún væri fær vegna vatnavaxta.

Hópurinn ætlaði að gista í fjallaskála að Fjallabaki en var ráðlagt að halda til byggða vegna aðstæðna, sem þau og gerðu, að því er fram kemur í tilkynningu frá Landsbjörgu.

Myndin var tekin á vettvangi í gærkvöldi.Landsbjörg
Björgunarsveitir Skaftárhreppur

Mest lesið


Fleiri fréttir

Sjá meira


×

Mest lesið