Erlent

Ísraelar hæfðu flug­völlinn í Aleppo í loft­á­rás

Magnús Jochum Pálsson skrifar
Iron Dome-loftvarnarkerfi Ísraela stöðvar loftárásir Hamas. Á sama tíma halda Ísraelar áfram linnulausum árásum sínum á Gasasvæðið og á önnur lönd sem styðja við Hamas.
Iron Dome-loftvarnarkerfi Ísraela stöðvar loftárásir Hamas. Á sama tíma halda Ísraelar áfram linnulausum árásum sínum á Gasasvæðið og á önnur lönd sem styðja við Hamas. AP/Tsafrir Abayov

Ísraelar eru sagðir hafa hæft Aleppo-flugvöll í Sýrlandi í loftárás. Talið er að loftárásin eigi að trufla íranskt birgðakerfi til Sýrlands.

„Ísraelsk flugskeyti sem komu frá hafi hæfðu Aleppo-flugvöll,“ sagði Rami Abdel Rahman, formaður SOHR, sýrlenskrar mannréttindastofnunar, í samtali við AFP.

Þá hermir AFP einnig að sýrlenski ríkismiðillinn SANA hafi staðfest loftárásina og héldi því fram að Ísraelar bæru ábyrgð á henni.

Samkvæmt SOHR hæfði loftárásin völlinn aðeins örfáum klukkutímum eftir að búið var að koma honum aftur í gang. Nokkrum dögum fyrr hafði ísraelski herinn skotið loftskeytum á flugvelli í Aleppo og Damaskus til að eyðileggja flugbrautir þeirra.

Heimildamenn Reuters halda því fram að loftárásirnar eigi að trufla íranskt birgðakerfi til Sýrlands.

Sýrland Ísrael Átök í Ísrael og Palestínu Íran

Mest lesið


Fleiri fréttir

Sjá meira


×

Mest lesið