Opið bréf til ríkisstjórnarinnar vegna árása Ísraels á Gaza Linda Ósk Árnadóttir og Yousef Ingi Tamimi skrifa 13. október 2023 14:30 Kæru þingmenn, valdhafar. Á undanförnum dögum hafa linnulausar loftárásir ísraelska hersins ollið gríðarlegu mannfalli. Yfir 1800 Palestínumenn hafa verið drepnir á miskunnarlausan hátt - þar af yfir 500 börn, mörg þeirra ungabörn. Gríðarleg eyðilegging á innviðum í Palestínu hefur átt sér stað sem hefur algjörlega lamað samfélagið. Ísrael, með sinn mikla hernaðarmátt, hefur ákveðið að skrúfa fyrir vatn og rafmagn ásamt því að koma í veg fyrir að sendingar af matvælum og nauðsynlegri neyðaraðstoð geti borist til Gaza. Ísrael hefur ákveðið að framkvæma þjóðarmorð í Palestínu og þeirra eigin ráðamenn hafa lýst því yfir í beinni útsendingu. Á meðan þessu stendur hefur ríkisstjórn Ísland lagt áherslu á að fordæma voðaverk Hamas en verið þögul á meðan Ísrael hefur opinberlega tjáð og framkvæmt hryllilegar áætlanir sínar gagnvart íbúum Palestínu. Þögn sem eingöngu er hægt að túlka sem stuðningsyfirlýsingu íslensku ríkisstjórnarinnar við þjóðarmorð og þjóðernishreinsanir Ísraelsmanna gagnvart Palestínu. Allt frá stofnun ísraelska ríkisins hefur Allsherjarþing Sameinuðu Þjóðanna séð sig knúið að álykta ítrekað um endurtekin brot Ísraels gegn alþjóðalögum. Sem dæmi má nefna ályktun 194 frá árinu 1948 sem felur í sér skilyrðislausa kröfu á Ísrael að leyfa flóttamönnum að snúa til síns heima. Hins vegar hundsuðu Ísraelar þessa ályktun eins og þær sem á eftir komu og hefur Ísrael í raun aðeins bætt í og þvingað fleiri Palestínumenn á flótta. Eftir að Ísrael hernumdi restina af Palestínu árið 1967 ályktaði Öryggisráð Sameinuðu þjóðanna, með ályktun 242, að Ísrael bæri að hverfa tafarlaust frá hernumdu svæðunum. Líkt og fyrri ályktanir hefur sú krafa verið hundsuð, þrátt fyrir að ályktanir Öryggisráðsins eigi að vera bindandi fyrir aðildarríki. Í raun hefur Allsherjarþing SÞ ásamt Öryggisráðinu og Mannréttindaráðinu ályktað oftast um Ísrael og mannréttindabrot þeirra af öllum ríkjum heimsins. Þar að auki brýtur stefna og framferði Ísraela á hernumdu svæðum Palestínu í bága við fjölda alþjóðalaga líkt og Mannréttindasáttmálann og Genfarsáttmálann. Þrátt fyrir þessi endurteknu brot á alþjóðalögum og samþykktum hefur Ísrael aldrei verið dregið til ábyrgðar á gjörðum sínum. Þessa stríðsglæpi hafa þau komist upp með í skjóli verndar bandamanna sinna þar sem neitunarvald Bandaríkjanna hefur verndað Ísrael ítrekað gegn öllum tilraunum til að neyða Ísrael til að fara eftir samþykktunum. Frá árinu 2022 hafa svo fjöldamörg virt alþjóðleg, ísraelsk og palestínsk mannréttindasamtök, til dæmis Amnesty International og B'tselem, ályktað að núverandi stjórnarfar sem Ísrael hefur komið á yfir hernumdu svæðum Palestínu teljist vera aðskilnaðarstefna - apartheid. Því til grundvallar er helst bent á að tvenn mismunandi réttarkerfi gilda um íbúa sama svæðis, byggt á uppruna og kynþætti íbúanna. Samkvæmt ályktunum Sameinuðu Þjóðanna telst það undantekningarlaust vera glæpur gegn mannkyninu. Undir slagorðum um að Ísrael eigi rétt á að verja sig hefur Ísrael lýst yfir stríði gegn Palestínu og með því hefur hafist alvarleg alda ofbeldis af hálfu Ísraels sem að virðist engan enda taka. Ísrael hefur hafið nær stöðugar loftárásir á Gaza sem hefur valdið gríðarlegri eyðileggingu á borgarlegu innviði. Skólar, sjúkrahús, sjúkrabílar, moskur, heimili og fréttastofur hafa verið sprengdar í loft upp og valdið óafturkræfum skaða. Ekki nóg með að sprengjum rigni yfir saklausa borgara þá hefur Ísrael ákveðið að skrúfa fyrir allt vatn, allt rafmagn og allt flæði matvæla og hjálpargagna til Gaza. Ísraelar hafa einnig notað hvítan fosfór í sprengjum sínum á Gaza, enn eitt augljóst brot Ísraels á alþjóðalögum. Ísrael hefur hreinlega ákveðið að hefja þjóðarmorð á Gaza undir vökulu auga íslenskra stjórnvalda. Eina lausnin á ríkjandi óöld og aðskilnaðarstefnu Ísraela er að krefja ísraelska ráðamenn um að fara eftir alþjóðalögum. Bæði utanríkisráðherra og þingmaður Vinstri-Grænna hafa gefið í skyn að Íslandi beri að fordæma Ísrael ef að ísraelska ríkið myndi brjóta alþjóðalög, en ef þið eruð að bíða eftir því, þá eruð þið 75 árum of sein. Við krefjumst þess að þið fordæmið aðgerðir ísraelskra yfirvalda og gerið það sem í ykkar valdi stendur til að koma í veg fyrir frekari hörmungar. Slíta ætti stjórnmálasambandi við aðskilnaðarríkið Ísrael og hvetja til viðskiptaþvinganna ásamt því að taka upp málið í Mannréttindaráði Sameinuðu þjóðanna. Ísrael eitt ber ábyrgð á ástandi á svæðinu undanfarna áratugi ásamt núverandi ofbeldisöldu og öllum töpuðum mannslífum í skjóli stöðu sinnar sem hernemandi vald. Stuðningur íslensku ríkisstjórnarinnar við áframhaldandi þjóðernishreinsanir, stríðsglæpi og þjóðarmorð er ekki í okkar nafni! Linda Ósk Árnadóttir, læknir Yousef Ingi Tamimi, svæfingahjúkrunarfræðingur Viltu birta grein á Vísi? Sendu okkur póst. Senda grein Átök í Ísrael og Palestínu Yousef Ingi Tamimi Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Skólarnir lokaðir - myglan vinnur Guðmundur Þórir Sigurðsson Skoðun Er aldur bara tala? Teitur Guðmundsson Skoðun Skoðun Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Sjá meira
Kæru þingmenn, valdhafar. Á undanförnum dögum hafa linnulausar loftárásir ísraelska hersins ollið gríðarlegu mannfalli. Yfir 1800 Palestínumenn hafa verið drepnir á miskunnarlausan hátt - þar af yfir 500 börn, mörg þeirra ungabörn. Gríðarleg eyðilegging á innviðum í Palestínu hefur átt sér stað sem hefur algjörlega lamað samfélagið. Ísrael, með sinn mikla hernaðarmátt, hefur ákveðið að skrúfa fyrir vatn og rafmagn ásamt því að koma í veg fyrir að sendingar af matvælum og nauðsynlegri neyðaraðstoð geti borist til Gaza. Ísrael hefur ákveðið að framkvæma þjóðarmorð í Palestínu og þeirra eigin ráðamenn hafa lýst því yfir í beinni útsendingu. Á meðan þessu stendur hefur ríkisstjórn Ísland lagt áherslu á að fordæma voðaverk Hamas en verið þögul á meðan Ísrael hefur opinberlega tjáð og framkvæmt hryllilegar áætlanir sínar gagnvart íbúum Palestínu. Þögn sem eingöngu er hægt að túlka sem stuðningsyfirlýsingu íslensku ríkisstjórnarinnar við þjóðarmorð og þjóðernishreinsanir Ísraelsmanna gagnvart Palestínu. Allt frá stofnun ísraelska ríkisins hefur Allsherjarþing Sameinuðu Þjóðanna séð sig knúið að álykta ítrekað um endurtekin brot Ísraels gegn alþjóðalögum. Sem dæmi má nefna ályktun 194 frá árinu 1948 sem felur í sér skilyrðislausa kröfu á Ísrael að leyfa flóttamönnum að snúa til síns heima. Hins vegar hundsuðu Ísraelar þessa ályktun eins og þær sem á eftir komu og hefur Ísrael í raun aðeins bætt í og þvingað fleiri Palestínumenn á flótta. Eftir að Ísrael hernumdi restina af Palestínu árið 1967 ályktaði Öryggisráð Sameinuðu þjóðanna, með ályktun 242, að Ísrael bæri að hverfa tafarlaust frá hernumdu svæðunum. Líkt og fyrri ályktanir hefur sú krafa verið hundsuð, þrátt fyrir að ályktanir Öryggisráðsins eigi að vera bindandi fyrir aðildarríki. Í raun hefur Allsherjarþing SÞ ásamt Öryggisráðinu og Mannréttindaráðinu ályktað oftast um Ísrael og mannréttindabrot þeirra af öllum ríkjum heimsins. Þar að auki brýtur stefna og framferði Ísraela á hernumdu svæðum Palestínu í bága við fjölda alþjóðalaga líkt og Mannréttindasáttmálann og Genfarsáttmálann. Þrátt fyrir þessi endurteknu brot á alþjóðalögum og samþykktum hefur Ísrael aldrei verið dregið til ábyrgðar á gjörðum sínum. Þessa stríðsglæpi hafa þau komist upp með í skjóli verndar bandamanna sinna þar sem neitunarvald Bandaríkjanna hefur verndað Ísrael ítrekað gegn öllum tilraunum til að neyða Ísrael til að fara eftir samþykktunum. Frá árinu 2022 hafa svo fjöldamörg virt alþjóðleg, ísraelsk og palestínsk mannréttindasamtök, til dæmis Amnesty International og B'tselem, ályktað að núverandi stjórnarfar sem Ísrael hefur komið á yfir hernumdu svæðum Palestínu teljist vera aðskilnaðarstefna - apartheid. Því til grundvallar er helst bent á að tvenn mismunandi réttarkerfi gilda um íbúa sama svæðis, byggt á uppruna og kynþætti íbúanna. Samkvæmt ályktunum Sameinuðu Þjóðanna telst það undantekningarlaust vera glæpur gegn mannkyninu. Undir slagorðum um að Ísrael eigi rétt á að verja sig hefur Ísrael lýst yfir stríði gegn Palestínu og með því hefur hafist alvarleg alda ofbeldis af hálfu Ísraels sem að virðist engan enda taka. Ísrael hefur hafið nær stöðugar loftárásir á Gaza sem hefur valdið gríðarlegri eyðileggingu á borgarlegu innviði. Skólar, sjúkrahús, sjúkrabílar, moskur, heimili og fréttastofur hafa verið sprengdar í loft upp og valdið óafturkræfum skaða. Ekki nóg með að sprengjum rigni yfir saklausa borgara þá hefur Ísrael ákveðið að skrúfa fyrir allt vatn, allt rafmagn og allt flæði matvæla og hjálpargagna til Gaza. Ísraelar hafa einnig notað hvítan fosfór í sprengjum sínum á Gaza, enn eitt augljóst brot Ísraels á alþjóðalögum. Ísrael hefur hreinlega ákveðið að hefja þjóðarmorð á Gaza undir vökulu auga íslenskra stjórnvalda. Eina lausnin á ríkjandi óöld og aðskilnaðarstefnu Ísraela er að krefja ísraelska ráðamenn um að fara eftir alþjóðalögum. Bæði utanríkisráðherra og þingmaður Vinstri-Grænna hafa gefið í skyn að Íslandi beri að fordæma Ísrael ef að ísraelska ríkið myndi brjóta alþjóðalög, en ef þið eruð að bíða eftir því, þá eruð þið 75 árum of sein. Við krefjumst þess að þið fordæmið aðgerðir ísraelskra yfirvalda og gerið það sem í ykkar valdi stendur til að koma í veg fyrir frekari hörmungar. Slíta ætti stjórnmálasambandi við aðskilnaðarríkið Ísrael og hvetja til viðskiptaþvinganna ásamt því að taka upp málið í Mannréttindaráði Sameinuðu þjóðanna. Ísrael eitt ber ábyrgð á ástandi á svæðinu undanfarna áratugi ásamt núverandi ofbeldisöldu og öllum töpuðum mannslífum í skjóli stöðu sinnar sem hernemandi vald. Stuðningur íslensku ríkisstjórnarinnar við áframhaldandi þjóðernishreinsanir, stríðsglæpi og þjóðarmorð er ekki í okkar nafni! Linda Ósk Árnadóttir, læknir Yousef Ingi Tamimi, svæfingahjúkrunarfræðingur
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun