Innlent

Fara yfir mynda­bands­upp­tökur vegna á­rásarinnar á Hverfis­götu

Atli Ísleifsson skrifar
Árásin átti sér stað ofarlega á Hverfisgötu í Reykjavík síðastliðið þriðjudagskvöld.
Árásin átti sér stað ofarlega á Hverfisgötu í Reykjavík síðastliðið þriðjudagskvöld. Vísir

Lögregla á höfuðborgarsvæðinu rannsakar nú upptökur úr öryggismyndavélum vegna líkamsárásar á mann ofarlega á Hverfisgötu í Reykjavík á þriðjudagskvöld. Maðurinn var á leið á hótel sitt eftir að hafa sótt ráðstefnu á vegum Samtakanna 78.

Þetta segir Eiríkur Valberg, lögreglufulltrúi á miðlægri rannsóknardeild lögreglunnar á höfuðborgarsvæðinu, í samtali við fréttastofu. Hann segir engan grunaðan um árásina að svo stöddu.

Greint var frá árásinni í tilkynningu frá Samtökunum 78 um miðjan dag í gær. Var haft eftir Daníel E. Arnarssyni, framkvæmdastjóra Samtakanna 78, að árásin hefði verið gróf þar sem maðurinn hafi verið kýldur í andlit og líkama af tveimur mönnum og meðal annars tennur verið brotnar.

Maðurinn hafði þar sótt ráðstefnu sem Samtökin '78 stóðu fyrir í samvinnu við forsætisráðuneytið og Norrænu ráðherranefndina. Hátt í hundrað fulltrúum frá öllum helstu samtökum hinsegin fólks á Norðurlöndum hafði verið boðið á ráðstefnuna sem fór fram á Fosshótel Reykjavík.

Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, staðfesti í samtali við fréttastofu í gær að rannsóknin væri á frumstigi og að eitt af því sem til rannsóknar væri, væri hvort að um hatursglæp hafi verið að ræða.

Reykjavík Hinsegin Lögreglumál

Tengdar fréttir

Ráðist á ráð­stefnu­gest á vegum Sam­takanna '78

Ráðist var á ráðstefnugest á vegum Samtakanna '78 í miðborg Reykjavíkur í gærkvöldi. Sá sem varð fyrir árásinni er talsvert slasaður og dvaldi á sjúkrahúsi í nótt. Lögregla rannsakar málið sem mögulegan haturslæp.

Mest lesið


Fleiri fréttir

Sjá meira


×

Mest lesið