Lífið

Tveggja barna faðir aðeins 25 ára

Svava Marín Óskarsdóttir skrifar
Jakob Birgisson á tvær dætur, Herdísi og Sigríði.
Jakob Birgisson á tvær dætur, Herdísi og Sigríði.

Jakob Birgisson skemmtikraftur og handritshöfundur og Sólveig Einarsdóttir, eignuðust stúlku 26. ágúst síðastliðinn. Stúlkan hefur verið nefnd Sigríður.

Hjónin tilkynntu um komu dóttur þeirra í sameiginlegri færslu á Instagram á dögunum en fyrir eiga þau eina stúlku fædda 2020. 

Jakob fagnaði 25 ára afmæli sínu þann 12. ágúst síðastliðinn rétt áður en hann eignaðist hana Sigríði. Ætla má að hann hafi þurft að fullorðnast hraðar en margir jafnaldrar hans þar sem hann er giftur tveggja barna faðir.

Jakob og Sólveig gengu í hjónaband í júlí í fyrra eftir að hafa trúlofað sig tveimur árum áður á Þingvöllum. 

Upprennandi skemmtikraftur

Jakob hefur getið af sér gott orð í skemmtanabransanum þrátt fyrir ungan aldur. Ari Eldjárn lét meðal annars hafa eftir sér að aðra eins hæfileika hefði hann ekki séð áður.

Þá fékk Jakob mikið lof fyrir þátt sinn í handriti Áramótaskaupi Ríkissjónvarpsins árið 2019, aðeins 21 árs gamall og líklega einn af yngstu höfundum þeirra frá upphafi.

Jakob er eitt þeirra hæfileikabúnta sem koma að nýrri uppistandssýningu, Púðursykur, sem fer fram í Sykursalnum í Grósku.

Með honum eru Björn Bragi Arnarsson, Saga Garðarsdóttir, Ari Eldjárn, Dóri DNA, Jóhann Alfreð, Anna Svava og Jón Jónsson. 

Nánari upplýsingar um viðburðinn má finna á Tix.is

Ástin og lífið Barnalán Tímamót

Tengdar fréttir

Kostulegar lýsingar Jakobs á verkahring nýs verkefnastjóra

Jakob Birgisson grínisti var álitsgjafi Íslands í dag á miðvikudag, þar sem hvaðeina markvert úr fjölmiðlaumræðu að undanförnu var til umræðu. Á meðal þess var atvinnuauglýsing Reykjavíkurborgar fyrir hinn svonefnda verkefnastjóra framtíðarinnar. Sjá má innslagið hér að ofan en viðtal við Jakob er strax í upphafi þáttar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.