Viðskipti innlent

Kvöld­fundur vegna at­vinnu­til­boðs Icelandair til á­tján flug­manna Play

Hólmfríður Gísladóttir skrifar
Flugmenn Play eru sagðir þurfa að taka ákvörðun í dag um tilboð Icelandair.
Flugmenn Play eru sagðir þurfa að taka ákvörðun í dag um tilboð Icelandair. Vísir/Vilhelm

Átján flugmenn Play sem voru á biðlista eftir störfum hjá Icelandair fengu símtal í gær þar sem þeim var boðið að hefja störf hjá félaginu. Þeir sem hyggjast þiggja boðið verða að segja upp hjá Play í dag.

Frá þessu greinir Túristi.is.

Þar segir að hinn skamma umþóttunartíma megi meðal annars rekja til þess að umræddir flugmenn verði að hefja þjálfun hjá Icelandair í október og nóvember.

Stjórnendur Play eru sagðir hafa brugðist við stöðunni með því að boða alla flugmenn félagsins til fundar í gærkvöldi en engar upplýsingar virðast liggja fyrir um hvað var rætt á fundinum.

Samkvæmt Túrista eru laun áhafna Icelandair nokkuð hærri en hjá Play en grunnlaun flugmanna hjá Play eru 590 þúsund á meðan þau eru 860 þúsund hjá Icelandair.

Um 120 til 140 flugmenn störfuðu hjá Play í sumar að sögn Túrista.

Fréttir af flugi Play Icelandair Kjaramál Vinnumarkaður


Mest lesið


Fleiri fréttir

Sjá meira


×

Mest lesið