Brit­n­ey hafi haldið fram­hjá með starfs­manni

Ashgari tjáði sig í fyrsta skiptið um skilnaðinn á Instagram í gær. 

Þar skrifaði hann „Eftir sex ár af ást og hollustu við hvort annað, höfum eiginkona mín og ég ákveðið að binda enda á ferðalag okkar.“

Þá segir einnig „Við munum halda í ástina og viðringuna sem við berum til hvors annars og ég óska henni hins besta alltaf. Skíturinn skeður. Að biðja um frið virðist fáránlegt svo ég vil bara biðja alla, þar á meðal fjölmiðla, að vera góða og tillitssama.“

Skilaboð Ashgari eru hjartnæm en slúðurmiðlar vestanhafs segja að síðustu vikur sambandsins hafi verið ansi erfiðar. Sam flutti út eftir mikið rifrildi þeirra hjóna þar sem hann sakaði Britney um framhjáhald.

Framhjáhald og óviðeigandi myndbönd

Heimildarmenn TMZ segja Sam hafa grunað Britney um framhjáhald með karlkyns starfsmanni heimilisins. Þá hafi hún beðið starfsmann um að taka upp myndband af sér allsberri.

Þá herma heimildir TMZ einnig að Asghari hafi lítið sofið á heimili þeirra í Calabasas undanfarna mánuði og reglulega hafi komið til rifrilda milli þeirra. Britney er sögð hafa lagt hendur á Asghari oftar en einu sinni í umræddum rifrildum.

Á þriðjudag tók fulltrúi Ashgari fyrir orðróm þess efnis að Ashgari hafi hótað að birta myndefni af Spears nema breytingar yrðu gerðar á kaupmála þeirra hjóna.

„Það eru margar staðhæfingar þess efnis að Sam ætli að rengja kaupmála þeirra og sé að hóta því að hagnast á fyrrverandi eiginkonu sinni með myndböndum,“ sagði Brandon Cohen, fulltrúi Sam Ashgari, við Hollywood Reporter. Allar slíkar staðhæfingar væru rangar og Sam myndi alltaf styðja við Britney.

Britney hefur ekkert tjáð sig um skilnaðinn en greindi frá því á Instagram að hún ætlaði að kaupa sér hest á næstunni.