Brynjar Björn tekinn við Grindvíkingum

Brynjar Björn tekur við starfinu af Helga Sigurðssyni sem hætti sem þjálfari Grindavíkur í gær.

Illa hefur gengið hjá Grindvíkingum að undanförnu en þeir hafa aðeins fengið eitt stig í síðustu fimm leikjum sínum í Lengjudeildinni. Í síðasta leik tapaði Grindavík fyrir grönnum sínum úr Njarðvík, 4-1. Grindavík er í 10. sæti lengjudeildarinnar með fimmtán stig, fjórum stigum frá fallsæti.

Brynjar Björn var síðast þjálfari Örgryte í Svíþjóð. Hann þjálfaði HK á árunum 2018-22. Undir hans stjórn komust HK-ingar upp í næstefstu deild 2018.

Brynjar Björn stýrir Grindavík í fyrsta sinn þegar liðið mætir Vestra á heimavelli annað kvöld.