Körfubolti

Kanervo endurnýjar kynnin við Stjörnuna

Ingvi Þór Sæmundsson skrifar
Antti Kanervo varð bikarmeistari með Stjörnunni 2019.
Antti Kanervo varð bikarmeistari með Stjörnunni 2019. vísir/bára

Stjarnan hefur samið við finnska körfuboltamanninn Antti Kanervo um að leika með liðinu í Subway-deild karla.

Kanervo lék með Stjörnunni tímabilið 2018-19 og varð bikarmeistari með liðinu. Í deildakeppninni var Kanervo með 17,5 stig, 3,2 fráköst og 2,1 stoðsendingu að meðaltali í leik.

Kanervo kemur til Stjörnunnar frá Helskinki Seagulls í heimalandinu. Mávarnir urðu finnskir meistarar í fyrsta sinn á síðasta tímabili.

Auk Kanervos hefur Stjarnan endurheimt Ægi Þór Steinarsson og fengið Frakkann Kevin Kone.

Stjarnan endaði í 8. sæti Subway deildarinnar á síðasta tímabili og tapaði fyrir Val, 3-1, í átta liða úrslitum úrslitakeppninnar.

Subway-deild karla Stjarnan

Mest lesið


Fleiri fréttir

Sjá meira


×

Mest lesið