Handbolti

Eru í undanúrslitum á HM en enginn íslenskur strákur meðal 35 markahæstu

Óskar Ófeigur Jónsson skrifar
Andri Már Rúnarsson er með 26 mörk og 26 stoðsendingar á mótinu og er efstu hjá íslenska liðinu í báðum flokkum.
Andri Már Rúnarsson er með 26 mörk og 26 stoðsendingar á mótinu og er efstu hjá íslenska liðinu í báðum flokkum. IHF/ Jozo Cabraja

Það má segja að íslenska 21 árs landsliðið í handbolta sé komið í undanúrslit heimsmeistaramótsins þökk sé breiddarinnar í liðinu og framlags úr mörgum áttum.

Þetta sést vel á listanum yfir markahæstu leikmenn mótsins í fyrstu sjö leikjunum.

Enginn leikmaður íslenska liðsins er nefnilega meðal 35 markahæstu leikmann keppninnar.

Markahæsti leikmaður íslenska liðsins er Andri Már Rúnarsson með 26 mörk. Hann er sex mörkum frá því að komast inn á listann yfir 34 markahæstu menn.

Það eru aftur á móti margir leikmenn að skila til íslenska liðsins. Símon Michael Guðjónsson hefur aðeins skorað einu marki minna en Andri og þá er hetja átta liða úrslitanna, Þorsteinn Leó Gunnarsson með 22 mörk eða aðeins fjórum mörkum minna en Andri.

Andri hefur skorað 4,3 mörk að meðaltali í leik en alls eru átta leikmenn íslenska liðsins að skora meira en tvö mörk að meðaltali í leik.

Allir þessir leikmenn eru líka að nýta skotin sín mjög vel eða 57 prósent og betur.

Andri Már hefur ekki aðeins skorað þessi 26 mörk því hann er líka langstoðsendingahæstur í liðinu með 26 stoðsendingar sem er sextán fleiri en næsti maður í liðinu. Andri er í áttunda sætinu yfir stoðsendingar á mótinu.

  • Flest mörk í leik hjá íslenska liðinu á HM til þessa:
  • 1. Andri Már Rúnarsson 4,3 mörk í leik (57% skotnýting)
  • 2. Símon Mihcael Guðjónsson 4,1 (60%)
  • 3. Þorsteinn Leó Gunnarsson 3,6 59%)
  • 4. Benedikt Gunnar Óskarsson 3,1 (63%)
  • 5. Kristófer Máni Jónasson 2,5 (75%)
  • 6. Arnór Viðarsson 2,1 (81%)
  • 6. Einar Bragi Aðalsteinsson 2,1 (57%)
  • 8. Tryggvi Þórisson 2,0 (76%)
Handbolti

Tengdar fréttir

Íslensku strákarnir spila um verðlaun á HM

Ísland leikur um verðlaun á HM U21-landsliða karla í handbolta, eftir að hafa slegið út Portúgal í 8-liða úrslitum í Berlín í dag með 32-28 sigri. Í undanúrslitunum mæta strákarnir sigurliðinu úr leik Ungverjalands og Króatíu sem fram fer síðar í dag.

„Þetta er það sem deildin okkar stendur fyrir“

Íslenska landsliðið í handbolta skipað leikmönnum undir tuttugu og eins árs mætir Portúgal í 8-liða úrslitum heimsmeistaramótsins á morgun. Þjálfari FH segir möguleika á sæti í undanúrslitum klárlega vera til staðar.

Mest lesið


Fleiri fréttir

Sjá meira


×

Mest lesið