Stjórnandi Spoti­fy illur út í Harry og Meg­han

Um var að ræða samning sem gerður var síðla árs 2020 og var hann á sínum tíma metinn 25 milljónir Banda­ríkja­dala eða því sem nemur 3,5 milljörðum ís­lenskra króna. Stefnt var að því að hjónin myndu fram­leiða nokkrar þátta­raðir en einungis ein fór í fram­leiðslu og var það Arche­type, þátta­röð úr smiðju Meg­han Mark­le.

Bill Simmons seldi Spoti­fy tón­listar­veitunni fyrir­tæki sitt Ringer árið 2020. Fyrir­tækið sér­hæfir sig í gerð hlað­varps­þátta og varð Simmons að stjórnanda hjá tón­listar­veitunni fyrir vikið.

„Ég vildi að ég hefði verið við­riðinn við­ræðurnar um samnings­slitin,“ sagði Bill í hlað­varps­þætti sínum sem nefndur er eftir honum sjálfum, að því er fram kemur í um­fjöllun Guar­dian. „Fjandans eigin­hags­muna­seggirnir.“ Það er hlað­varpið sem ég hefði átt að gera með þeim,“ sagði hann.

„Ég þarf að fara á fyllerí eitt kvöldið og segja frá Zoom sam­talinu sem ég átti við Harry þegar ég reyndi að hjálpa honum að finna upp á hlað­varps­þætti. Þetta er ein af mínum bestu sögum. Fari þau fjandans til. Eigin­hags­muna­seggirnir.“